މިއަދަކީ ރާއްޖޭގެ ތާރީހުގައި އެންމެ ގިނައިން ފަތުރުވެރިން އައިސްފައިވާ ދުވަސްކަމަށް ޓުއަރިޒަމް މިނިސްޓަރު އިބްރާހިމް ފައިސަލް ވިދާޅުވެއްޖެއެވެ.
ދިވެހިރާއްޖޭގެ މާލީ އަދި އިގްތިސާދީ ހާލަތު ގޯސްކަމަށް ބުނެ އެކި ފަރާތްތަކުން އިންޒާރުތައް ދީފައިވާއިރު، މިނިސްޓަރ ފައިސަލް ވަނީ ދިވެހިރާއްޖޭގެ އިގްތިސާދީ ސިނާއަތުގެ މައި ދާއިރާކަމަށްވާ ފަތުރުވެރިކަމުގެ ސިނާއަތުގެ ތެރެއިން ބޮޑެތި ކުރިއެރުންތަކެއް ލިބިފައިވާކަން ހިއްސާކުރައްވާފައެވެ.
މިނިސްޓަރު ފައިސަލް ވިދާޅުވީ މިއަދު ދިވެހިރާއްޖެއަށް 10،213 ފަތުރުވެރިން ޒިޔާރަތްކޮށްފައިވާކަމަށާއި، މިކަމާއިއެކު ރިކޯޑެއް ގާއިމުވެފައިވާކަމަށް ފާހަަގަކުރެއްވިއެވެ. މިނިސްޓަރ ވިދާޅުވީ، މިއީ މިހާތަނަށް އެއް ދުވަހެއްގެ މަތިން ރާއްްޖެއަށް އެންމެ ގިނަ އަދަދެއްގެ ފަތުރުވެރިން ޒިޔާރަތްކޮށްފައިވާ ދުވަސްކަމަށާއި، އެ ލަނޑުދަނޑި ހާސިލުވުމުގެ ޝުކުރު މަސައްކަތްތައް ކުރިއަށް ގެންދެވުމުގައި ބައިވެރިވެވަޑައިގެންނެވި އެންމެ ފަރާތްތަކަށް އަރިސް ކުރައްވާކަމަށް ވިދާޅުވިއެވެ.
ދިވެހިރާއްޖޭގެ ފަތުރުވެރިކަމުގެ ސިނާއަތުގައި ރިކޯޑެއް މުގުރިފައިވާކަން މިނިސްޓަރު ހާމަކުރެއްވިއިރު، ރައީސް ޑރ މުހައްމަދު މުއިއްޒުގެ ސަރުކާރުންވަނީ ހުވާކުރުމުގެ ކުރިންނާއި ހުވާކުރުމަށްފަހުވެސް އިގްތިސާދު ވަރުގަދަކުުރުމުގެ ގޮތުން މަސައްކަތްތަކެއް ކޮށްފައެވެ. އެގޮތުން ތުރުކީ އާއިއެކު އެއްބަސްވުންތަކެއް ގާއިމުކުރެވިފައިވާއިރު، ޗައިނާއާއިއެކުވެސް މި ސިނާއަތު ހަރުދަނާކުރުމަށް މަސައްކަތްތައް ކުރުމަށް ކަނޑައެޅިފައިވެއެވެ.
advertisment