މޯލްޑިވްސް ކަސްޓަމްސް ސާވިސަސްގެ ޑެޕިއުޓީ ކޮމިޝަނަރގެ މަގާމަށް ފާތިމަތު ދިޔާނާ އައްޔަނުކޮށްފިއެވެ.
ކަސްޓަމްސްއިން މީޑިއާތަކާއި މައުލޫމާތު ހިއްސާކޮށްފައިވާގޮތުން މިއީ ޑެޕިއުޓީ ކޮމިޝަނަރުގެ މަގާމަށް އަންހެނަކު އައްޔަނުކޮށްފައިވާ ފުރަތަމަ ފަހަރުކަމަށެވެ. އެހެންކަމުން މިއީ ތާރީހީ ކަމެއްކަމަށާއި މިކަމަކީ މިންތީގެ ހަމަހަމަކަން ގާއިމުކުރުމަށާއި އަންހެނުން ބާރުވެރިކުރުމާއި ދިމާލަށް އެޅުނު ވަރުގަދަ ފިޔަވަޅެއްކަމަށް ބުނެފައިވެއެވެ.
ކަސްޓަމްސްއިން ހިއްސާކުރިގޮތުން، ޑެޕިއުޓީ ކޮމިޝަނަރ ދިޔާނާއަކީ 23 އަހަރު ދުވަސް ހިދުމަތްކުރައްވާފައިވާ މީހެއްކމަށެވެ. އެގޮތުން ކުރިން ޑެޕިއުޓީ ޗީފް ސުޕަރއިންޓެންޑެންޓް ގެ މަގާމުވެސް އަދާކުރައްވާފައިވާކަމަށާއި އެކަމުން އޭނާގެ ތަޖުރިބާހުރި މިންވަރު ފެނިގެންދާކަމަށްވެސް ބުނެފައިވެއެވެ.