ކާށިދޫ ދާއިރާގެ މެންބަރު ޢަބްދުﷲ ޖާބިރުގެ އަބިކަނބަލުން ދިޔާނާ ސައީދު، ރައީސް މައުމޫނުގެ ދަރިކަލުން ގުރައިދޫ ދާއިރާގެ މެންބަރު މުޙައްމަދު ޣައްސާނު މައުމޫނަށް ބަހުގެ ހަމަލާތަކެއް ރައްދުކޮށްފިއެވެ.
ރައީސް މައުމޫން ކޮވިޑަށް ފައްސިވި ޙަބަރު ލިބުމުން ޖާބިރު ޣައްސާނަށް ގުޅުއްވާ ދެއްކެވި ވާހަކަ، ޣައްސާނު ވަނި ރޭގެ ވަގުތެއްގައި ޓްވީޓްކޮށްފައެވެ. އަދި މިކަމާއި ގުޅިގެން ވަރަށް ގިނަ ބަޔެއްގެ ފާޑުކިޔުން ޖާބިރަށް ވަނީ އަމާޒުވެފައެވެ.
ޓްވީޓަށް ކޮމެންޓް ކުރައްވާ ރީޓްވީޓް ކުރައްވަމުން ދިޔާނާ ވިދާޅުވީ، ގައްސާނުގެ ބައްޕަ ދޮށީ އުމުރުގައި ހައްޔަރުކޮށް ޖަލަށް ލާ ހެދީ ގައްސާނުމެން ކަމަށެވެ. އަދި އެކަމާއި ދެކޮޅަށް އަޑު އުފުލަން ނިކުތީ ދިޔާނާމެންކަމަށްވެސް ދިޔާނާގެ ޓްވީޓްގައި ވެއެވެ.
RM ah covidge aalaaskanfulhu jehunu khabaru aduehee fun hithaamayaaeku; avas shifaayah edhi dua dhannavan.@mgmaumoon ah dhannavan dhoshee umurufulhuga adhi aalaaskanfulhuga bappa jaluga bandhukoh Ghassan men aniyaadhemun dhiyairu dhifaauga nikumethibee khudhu alhugandumenkamah. pic.twitter.com/g8m6af2Cdb
— Dhiyana ????????? (@dhiyanasaid) August 26, 2020
އިތުރަށް ދިޔާނާ ކޮށްފައިވާ ޓްވީޓްގައި ދިޔާނާ ވިދާޅުވީ، ޣައްސާނު އުޅުއްވަނީ ބައްޕާފުޅުގެ އާލާސްކަންފުޅުންވެސް ސިޔާސީ މަންފާއެއް ހޯދުމަށް ކަމަށާއި، ތިޔައީ ވަކި ހުތުރުކަން ކުޑަ ޢަމަލެއް ނޫންކަމަށެވެ. އަދި ކުރިންވެސް ޣައްސާނު ހުންނެވީ ހަމަ ސިޔާސީ ފައިދާ ނެގުމަށްކަމަށްވެސް ދިޔާނާ ވިދާޅުވިއެވެ. ދިޔާނާ ވަނީ ޖާބިރު ވިދާޅުވެފައިވާ ބަސްތަކަކީވެސް ހާލަތާއި ނުގުޅޭ ބަސްތަކެއްކަމަށް ވިދާޅުވެފައެވެ.
Ghassan hunnevee siyaasee faidhaa oiy athah; e lahgandu nufilaane.
Adhi haalathaa ekasheyna nuvaagothah meehaku buni eccheh ‘bodu magah’ nere aammukohgen RMge aalaaskanfulhun siyaasee faidhaa nangavan Ghassan mihaaru thi ulhuvvaa ulhuvvumakeeves huthurukan vaki kuda amaleh noon
— Dhiyana ????????? (@dhiyanasaid) August 26, 2020
އިތުރަށް ދިޔާނާ ވިދާޅުވީ، ޖާބިރު އެ ދައްކަވާ ވާހަކައާއި ގުޅިގެން ދިޔާނާއާއި ރައީސް މައުމޫނާއި ދެމެދު ދެކެވުނު ވާހަކަވެސް އެބަހުރިކަމަށާއި، އަދި އެކަމާއި ގުޅޭ ލިޔުންތަކާއި ހެކިންވެސް އެބަތިބި ކަމަށެވެ. ނަމަވެސް ޕްރައިވެޓްކޮށް ހިނގާފައިވާ ކަންކަން ޓްވިޓަރ އަށް ގެނައުމަކީ ހައްލެއް ނޫންކަމަށްވެސް ދިޔާނާގެ ޓްވީޓްގައިވަނީ ފާހަގަކުރައްވާފައެވެ.