“ގައުމު ވިއްކާލުމާއި ދެކޮޅަށް” ކަމަށްބުނެ ޕީޕީއެމް ޕީއެންސީން ބޭއްވި މުޒާހަރާގައ ކުރީގެ ރައީސް ޑރ.މުޙައްމަދު ވަހީދު ހަސަން މަނިކު ބައިވެރިވެވަޑައިގަތުމުން އެމްޑީޕީގެ މަޖިލިސް މެންބަރުން ރަތަށް އަރައިފިއެވެ.
އަދި ރައީސް ވަޙިދަށް ދެމުން ގެންދާ އިނާޔަތްތައް ހުއްޓާލަން ޖެހޭކަމަށްވެސް ބައެއް މެންބަރުން ދަނީ ޓްވީޓްކުރައްވަމުންނެވެ.
ކުރީގެ ރައީސް ޑރ.ވަހީދު ހަސަނ ދައުލަތުން ދޭ އިނާޔަތްތައް ކަނޑާލަން ޖެހޭކަމަށް ވިދާޅުވި އެއް މެންބަރަކީ ރައްޔިތުންގެ މަޖިލީހުގެ ގަމު ދާއިރާގެ މެންބަރު މުޙައްމަދު ވިސާމް (ސަމްޕަތު) އެވެ.
“ގައުމު ވިއްކާލުމާއި ދެކޮޅަށް” ކަމަށްބުނެ ޕީޕީއެމް ޕީއެންސީން ބޭއްވި މުޒާހަރާގައި ވަހީދު ވާހަކަފުޅުދައްކަވަން އިން ފޮޓޯއެއް ޓްވީޓް ކުރައްވާ ވިސާމު ވިދާޅުވީ، ސިއްޙީ ބޮޑު ބަލިމަޑުކަމެއްގެ ތެރޭގައި ރާއްޖެ ވަނިކޮށް، ކުރީގެ ރައީސުންނަށް ދައުލަތުންދޭ އިނާޔަތް ބަރާބަރަށް ނަންގަވާ ބޭފުޅަކު އިސްވެހުރެ ގައިގޯޅިވެ އެއްވުން ބޭއްވުން ބަލައެއް ނުގަނެވޭނެކަމަށެވެ.އަދި ގައުމީ ޒިންމާ ނުއުފުލާ މިފަދަ ފަރާތްތަކުގެ އިނާޔަތް ކަނޑާލުމަށް ވިސާމު ގޮވާލެއްވިއެވެ.
ސިއްޙީ ބޮޑު ބަލިމަޑުކަމެއްގެ ތެރޭގައި ރާއްޖެ ވަނިކޮށް، ކުރީގެ ރައީސުންނަށް ދައުލަތުންދޭ އިނާޔަތް ބަރާބަރަށް ނަންގަވާ ބޭފުޅަކު އިސްވެހުރެ ގައިގޯޅިވެ އެއްވުން ބޭއްވުން ބަލައެއް ނުގަނެވޭ.ގައުމީ ޒިންމާ ނުއުފުލާ މިފަދަ ފަރާތްތަކުގެ އިނާޔަތް ކަނޑާލަން ޖެހޭ pic.twitter.com/HrjbKIDyPp
— Mohamed Wisam (@mohamedwisaam) August 28, 2020
މިއަދުގެ މުޒާހަރާގައި ބައިވެރިވެ ވަހީދު ވަނީ ބައިވެރިންނާއި މުހާތަބުކޮށް ވާހަކަ ދައްކާފައެވެ. އެގޮތުން ގައުމުގެ މިނިވަންކަމުގެ ދިފާއުފައި އަބަދުވެސް އެންމެން މަސައްކަތް ކުރުމަށް ވަނީ ގޮވާލައްވާފައެވެ.
ރައީސް ވަހީދު މުޒާހަރާގައި ބައިވެރިވެގެން އުނގޫފާރު ދާއިރާގެ މެންބަރު ވަހީދުވެސް ވަނީ ނުރުހުން ފާޅުކޮށް ޓްވީޓެއް ކުރައްވާފައެވެ. މެންބަރު ވަހީދު ވިދާޅުވީ ބައެއް ގަޑިގަޑީގައި އެކަނިމީހަކު ސައިކަލު ދުއްވުންވެސް މަނާކުރެވިފައިވާ އިރެއްގައި، ވަކިބަޔަކު ނުކުމެ ސިޔާސީ ގައިގޯޅި އެއްވުންތައް ބޭއްވުމަކީ އެޗްޕީއޭގެ އިރުޝާދަށް ބޯލަނބައިގެންއުޅޭ މީހުންނަށް ބޮޑު ބޭއިންސާފެއްކަމަށެވެ. އަދި ކުރީގެ ރައީސުންގެ އިނާޔަތަކީ ޤައުމު ފަސާދަކުރަން ދެވޭ އެއްޗެއް ނޫން ކަމަށެވެ.
ތިނަދޫ ތަމްސީލުކުރައްވާ މެންބަރު ޢަބްދުﷲ ސަނީފު (ސަންނަ)ވެސް ވަނީ މިކަމާއި ދެކޮޅަށް ޓްވީޓު ކުރައްވާފައެވެ.
“ދައުލަތުގެ މާލިއްޔަތުން ހަރަދުކުރާ ކުރީގެ ރައީސްއެއް، މިކަހަލަ ބަލިމަޑުކަމެއްގެ ތެރޭގައި މީހުންއެއްވެއުޅުމައް ގޮވާލުމަކީ ލަދުވެތިކަމެއް” ސަނީފު
އިހަވަންދޫ ދާއިރާގެ މެންބަރު ޝިފާއުވެސް ވަނީ މިކަމާއި ގުޅިގެން ޓްވީޓް ކުރައްވާފައެވެ. ޝިފާއު ވިދާޅުވީ
ރައީސް ވަހީދު މުޒާހަރާގައި ބައިވެރިވުމުގެ ސަބަބުން މީދޫ ދާއިރާގެ މެންބަރު ރޮޒެއިނާ އާދަމްވެސް ވަނީ ނުރުހުން ފާޅުކޮސް ޓްވީޓްކުރައްވާފައެވެ.
ރޮޒޭނާ ވިދާޅުވީ ސަރުކާރުން ކޮވިޑް19 ކޮންޓްރޯލު ކުރުމަށް އެތައް މަސައްކަތެއް ކޮށް އެތައް ފިޔަވަޅުތަކެއް އަޅަމުންދާއިރު، އެކަންކަމާއި ޚިލާފަށް ކުރީގެ ރައީސަކު ނިކުމެ އުޅުމަކީ ދެރަކަމެއް ކަމަށެވެ. އަދި މިފަދަ ކަންކަމުގެ ސަބަބުން މި ބަލިމަޑުކަން ކޮންޓްރޯލުން ނެއްޓި އެތައް ފުރާނައެއް ގޮސްދާނެކަމަށާއި، އެކަމުގެ ޒިންމާ ނަގާނަންތޯ ރޮޒޭނާ ވަނީ ސުވާލުކޮށްފައެވެ.
Sad 2c a former president, enjoying state benefits, leading gatherings at a time of a pandemic 4political benefit, when govt’s desperately trying 2control spread & health professionals r begging ppl 2stay home. R u willing 2take responsibility 4deaths caused due2 system overload? pic.twitter.com/3pvELmAST8
— ???????? ???????????????????????????? ???????????????? ???? (@Roxeyna) August 28, 2020
ރައްޔިތުންގެ މަޖިލީހުގެ މެންބަރުންތަކެއް މިގޮތަށް ޓްވީޓުކުރައްވާފައިވާއިރު، ދައުލަތުން ރައީސް ވަހީދަށް ކޮންމެ މަހަކުވެސް ދޭން ޖެހޭ އިނާޔަތްތައް ދެމުންދާކަން ފާހަގަކޮށްލެވެއެވެ.