ހދ. ހަނިމާދޫ މަގު ހެދުމުގެ މަޝްރޫއުގެ ބޮޑު ބައި ނިމިފައިވާ ކަމަށް އެމްޓީސީސީން މިއަދު ވިދާޅުވެއްޖެއެވެ.
އެ މަޝްރޫއުގެ ދަށުން ޕޭވްމެންޓު ހެދުމުގެ 80 ޕަސެންޓް މަސައްކަތް މިހާރު ނިމިފައިވާއިރު ފެން ހިންދާ ނިޒާމު ގާއިމުކުރުމުގެ މަސައްކަތް މިހާރު ކުރިއަށް އެބަދެއެވެ.
މި މަޝްރޫއުގެ ދަށުން ފައިމަގުގައި ހިނގުމަށް 16،518 އަކަމީޓަރުގެ ސަރަހައްދެއް ގާއިމުކޮށް، މަގުގައި ދުއްވޭ ގޮތަށް 38،916 އަކަމީޓަރުގެ ސަރަހައްދެއް ގާއިމުކުރާނެއެވެ.
ހދ. ހަނިމާދޫގެ މަގުތައް ޒަމާނީ ފެންވަރަކަށް ހެދުމުގެ މަޝްރޫޢުގެ %65 މަސައްކަތް ވަނީ ނިމިފައި. މި މަޝްރޫޢުގެ ދަށުން ފައިމަގުގައި ހިނގާނެ ސަރަޙައްދެއް ހެދުމުގެ %80 މަސައްކަތް މިހާރުވަނީ ނިމިފައި. އަދި ކުރިއަށްދަނީ ފެންހިންދާ ނިޒާމެއް ޤާއިމުކުރުމުގެ މަސައްކަތް. pic.twitter.com/D0jlr36EzC
— MTCC Plc (@MTCCPlc) September 3, 2020
މީގެެ އިތުރުން 19,679.7 އަކަމީޓަރުގެ ސަރަހައްދެއްގައި މަގުމަތީ ނިޝާން ހަރުކުރާނެއެވެ.
އެ ރަށުގެ މަގު ހެދުމުގެ މަޝްރޫއުގެ އިތުރުން ރ. ދުވާފަރާއި ރ. އުނގޫފާރު އަދި ލ. ފޮނަދޫ މަގު ހެދުމުގެ މަޝްރޫއު ވެސް ކުރިއަށް އެބަދެއެވެ.