މިއަދު އިރުއޮއްސި 18:00 އާއި ހަމައަށް ފާއިތުވި 24 ގަޑިއިރުގެ ތެރޭގައި ރާއްޖެ އިން އިތުރު 83 މީހަކު ކޮވިޑް-19 އަށް ފައްސިވެއްޖެއެވެ.
ހެލްތު އެމަޖެންސީ އޮޕަރޭޝަންސް ސެންޓަރ (އެޗްއީއޯސީ) އިން މިހާރު ކުރިއަށް ގެންދާ ނޫސްކޮންފަރެންސްގައި ބުނެފައިވަނީ، ރާއްޖެއިން ކޮވިޑަށް ފައްސިވެފައިވަނީ 83 މީހުން ކަމަށާއި އޭގެ ތެރޭގައި 61 ދިވެހިން ހިމެނޭއިރު 22 ބިދޭސީން ވެސް ހިމެނޭ ކަމަަށެވެ.
މިރޭގެ ސާވަލެންސް އަބްޑޭޓް ކިޔާދެއްވަމުން ޑރ. އިބްރާހިމް އަފްސަލް ވިދާޅުވީ މިހާރު ރާއްޖޭގައި މިބައްޔަށް ފައްސިވީ މީހުންގެ އަދަދު ވަނީ 8،667 އަށް އަރާފައި ކަމަށެވެ.
މިއަދު ފައްސިވީ 83 މީހުންގެ ތެރޭގައި ހިމެނެނީ 61 ދިވެހީންނާއި، 20 ބަންގްލަދޭޝް ރައްޔިތުންގެ އިތުރުން އިންޑިއާ މީހަކާއި ނޭޕާލް މީހެއް ކަމަށެވެ.
މިހާތަނަށް މިބަލިން ރާއްޖެއިން ޖުމްލަ 6،052 މީހަކު ވަނީ މިބަލިން ފަސޭހަ ވެފައެވެ. އަދި 29 މީހަކު މިބަލީގައި ރާއްޖެއިން ނިޔާވެފައިވެއެވެ.