ހަނިމާދޫއަށް ޖެއްސި އިންޑިއާގެ ދެ އަސްކަރީ މަތިންދާބޯޓުގެ ފޮޓޯ ހިއްސާކުރި ދެ މީހުން ހައްޔަރުކުރި ކުރި ކަމަށް ނައިފަރު ދާއިރާގެ މެމްބަރު އަދި އިދިކޮޅު ޕީޕީއެމްގެ ނައިބް ރައީސް އަހުމަދު ޝިޔާމް ތުހުމަތު ކުރައްވައިފިއެވެ.
މިއަދު ހެނދުނު 10:00 ގައި އަދި 10:15 ގައި ހަނިމާދޫ އެއާޕޯޓަށް ޖައްސާފައިވަނީ އިންޑިއާގެ ކަނޑުގެ ސިފައިން ބޭނުން ކުރާ ޑޯނިއާ-228 މަރުކާގެ 2 މަތިންދާބޯޓެވެ.
މި ދެ އިންޑިއާގެ އަސްކަރީ ދެ މަތިންދާ ބޯޓު ހަނިމާދޫ އިންޓަރނޭޝަނަލް އެއާޕޯޓަށް ޖެއްސުމާއި ގުޅިގެން އެމްއެންޑީއެފުން ބުނީ މިއީ ސިލްސިލާކޮށް ރާއްޖޭގެ އީއީޒެޑް ބެލުމަށް އެމްއެންޑީއެފްގެ ކޯސްޓް ގާޑުގެ ސިފައިންނާއި ގުޅިގެން ކުރިއަށް ގެންދާ އޮޕަރޭޝަނެއް ކަމަށެވެ.
މިކަމާ ގުޅިގެން ޝިޔާމް ކުރެއްވި ޓްވީޓެއްގައި ވިދާޅުވީ އެ ދެ މަތިންދާ ބޯޓުގެ ފޮޓޯ އަދި ވީޑީއޯ ހިއްސާކުރު ކަމަށް ތުހުމަތު ކޮށް ހަނިމާދޫ ދެ ރައްޔިތަކު ހައްޔަރު ކޮށް ފޯނުގެ ފޮޓީ އަދި ވީޑިއޯ ޑިލީޓު ކުރަން އެދުނު ކަމަށެވެ.
“އަޅުވެތިކަމާ ދެކޮޅަށް ދިވެހިން ތެދުވާނެ.” ޝިޔާމް ވިދާޅުވިއެވެ.
Miadhu Hanimaadhoo ah jessi India askariyyaage 2 mathindha boat ge photo adhi video hissa kuri kamah thuhumathkoh Hanimaadhoo 2 rayyithaku hayyarukoh phone ga photo adhi vidoe hurikamah bune delete kuran edhijje. Alhuvethikama dhekolhah dhivehin thedhuvaane.#IndianMilitaryOut pic.twitter.com/FcvoQfHPGn
— Ahmed Shiyam (@Shiyamaldives) September 8, 2020
ޝީޔާމް އިތުރަށް ވިދާޅުވީ ދުނިޔޭގައި އެންމެ ބާރަށް ކޮވިޑް ފެތުރެމުންދާ ގައުމު އިންޑިއާގެ އަސްކަރީ ދެ މަތިންދާބޯޓު މިއަދު ހަނިމާދޫއަށް ޖައްސައިފި ކަމަށާއި ފްލައިޓުތައް އެއާޓްރެފިކް/އެމްއެންޑީއެފް ރާޑަރަކަށް ނާރާކަމަށެވެ.
“ފްލައިޓުތައް އަންނަކަން ކައުންސިލަށް އަންގަނީ ދާއިރާގެ މަޖިލިސް މެމްބަރު. އަންނަ ސިފައިން ރަށު ތެރެއަށް އެރުމަށް ހަމަޖެހިފައިވާއިރު އެޗްޕިއޭ ނިދާފައި.” ޝިޔާމް ވިދާޅުވިއެވެ.
Dhuniyeyge emme baarah Covid fethuremundha qaumu India ge askaree 2 mathindha boat miadhu Hanimadhoo ah jassaifi. Boat thah Air traffic/MNDF radarakah naaraa. Flight thah annakan Council ah anganee Dhaairaage MP. Anna sifain rashuthere ah erumah hamajehifaiva iru HPA nidhaafa. pic.twitter.com/ra17DexMNB
— Ahmed Shiyam (@Shiyamaldives) September 8, 2020
ދިވެހިރާއްޖޭގައި އިންޑިއާ ސިފައިން ތިބޭތީ މިދުވަސްވަރު އެތައް ބަޔަކު އަންނަނީ ކަންބޮޑުވުން ފާޅުކުރަމުންނެވެ. އެގޮތުން ޓްވިޓާގައި “އިންޑިއާ އައުޓް” ހޭޝްޓެގެއް ވަނީ އާއްމުވެފައެވެ.
2 Responses
މިހާރުން މިހާރައް އިންޑިއާ ސިފައިން ބާލާ
މީ އަލަކަށް ހަނިމާދޫއަށް ޖައްސާ ބޯޓުތަކެއް ނޫން. ޝިޔާމުމެން އަނބުރާ ގޭހާ ދެކޮޅަށް މީހުން ތެދުވެއްޖެ. ވާނުވާ އެނގޭ