މިއަދު ރާއްޖެ އިން އިތުރު 74 މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
އެޗްޕީއޭއިން ބުނީ މިއަދު ޕޮޒިޓިވްވި މީހުންގެ ތެރޭގައި ހިމެނެނީ 59 ދިވެހިންނާއި 15 ބިދޭސީން ކަމަށެވެ.
މިއަދު ޕޮޒިޓިވްވި މީހުންނާއެކު ރާއްޖެއިން ކޮވިޑް ޖެހުނު މީހުންގެ އަދަދު ވަނީ 8,741 އަށް އަރާފައެވެ. އޭގެ ތެރެއިން މިހާރު ފަރުވާދެމުން ދަނީ 2549 މީހަކަށެވެ.
ކޮވިޑް ޖެހުނު މީހުންގެ ތެރެއިން މިއަދު އިތުރު 105 މީހަކު ވަނީ ބަލިން ރަނގަޅު ވެފައެވެ. މިއާއެކު ބަލިން ރަނގަޅުވި މީހުންގެ އަދަދު ވަނީ 6157 އަށް އަރާފައެވެ.
ކޮވިޑް ޖެހިގެން މިހާތަނަށް ރާއްޖެއިން 29 މީހަކު ވަނީ މަރުވެފައެވެ.