ހދ. ކުޅުދުއްފުށިން ނިޔާވި މީހާއަކީ ކޮވިޑް-19ގެ މަރެއް ކަމަށް ކަނޑައަޅައިފި އެވެ. މި އާއެކު މަރުވި މީހުންގެ ޖުުމުލަ އަދަދު މިވަނީ31 އަށް އަރާފައެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)ން ވިދާޅުވީ، ހއ. ކެލާގަައި ކަރަންޓީންގައި ހުރި ކެންސަރު ބަލީގެ މީހަކު، ކުޅުދުއްފުށި ހޮސްޕިޓަލްގައި ފަރުވާދެމުން ދަނިކޮށް ނިޔާވެފައިވާ ކަމަށެެވެ. އަދި އެ މީހާ ނިޔާވީ ރޭ 8:15 އެހާކަންހާއިރު ކަމަށް އެޗްޕީއޭ އިން ވިދާޅުވިއެވެ.
އަދި މިހާރު އެޗްޕީއޭއިން ވަނީ އެމީހާ ނިޔާވީ ކޮވިޑް-19 ބަލީގައި ކަން ކަނޑައަޅާފައެވެ.
މީގެ އިތުރުން މިރޭވެސް ވަނީ މި ބަލީގައި 60 އަހަރުގެ ދިވެހި ފިރިހެނެއް މަރުވެފައެވެ.
އެއީ ހުޅުމާލޭ ކޮވިޑް ފެސިލިޓީގެ އައިސީޔޫގައި ފަރުވާ ދެމުންދިޔަ މީހެކެވެ.