މިއަދު އިތުރު 75 މީހަކު ކޮވިޑް-19 އަށް ޕޮޒްޓިވް ވެއްޖެއެވެ.
އެޗްޕީއޭ އިން އާންމުކުރި ތަފާސް ހިސާބަށް ބަލާއިރު މިއަދު ޕޮޒިޓިވްވި މީހުންގެ ތެރޭ ހިމެނެނީ 22 ދިވެހިންނާއި 53 ބިދޭސިންނެވެ.
އެޗްޕީއޭއިން ބުނީ ފާއިތުވި 24 ގަޑިއިރު ތެރޭ 73 މީހަކު ވަނީ ބަލިން ރަނގަޅުވެފައިވާ ކަމަށެވެ. މިއާއެކު ބަލިން ރަނގަޅުވި މީހުންގެ ޖުމްލަ ވަނީ 8،261 އަށް އަރައިފައެވެ.
މިވަގުތު 1،424 މީހުން ބައްޔަށް ފަރުވާ ހޯދަމުންދާއިރު 107 މީހަކު ހޮސްޕިޓަލުގައި އެބަތިއްބެވެ. 686 މީހަކު އައިސޮލޭޝަން ފެސިލިޓީތަކުގައި އެބަތިބި ކަމަށްވެސް އެޗްޕީއޭ އިން ބުންޏެވެ.
މިހާތަނަށް ރާއްޖެއިން 33 މީހަކު ވަނީ ކޮވިޑް19 ގައި މަރުވެފައެވެ.