އެކުގައި، އެއްތަނެއްގައި އުޅޭ ދެމަފިރިންނަށް އެކަކު އަނެކަކަށް ތަފާތުކޮށް ދިރިއުޅުމުގެ ހާލަތުގެ ޕޮއިންޓު މިސަރުކާރުން ދެނީ ކީއްވެތޯ ކުރީގެ ހައުސިންގ މިނިސްޓަރ ޑރ. މުޙައްމަދު މުޢިއްޒު ސުވާލު ކުރައްވައިފިއެވެ.
ޑރ. މުޢިއްޒު މިފަދައިން ވިދާޅުވެފައިވަނީ ހިޔާ މަޝްރޫޢުގެ ދަފްތަރު ކެޓަގަރީން ޕޮއިންޓު ލިބިފައިވާ ގޮތުގެ ވަގުތީ ލިސްޓު މިއަދު ސަރުކާރުން ޢާއްމުކުރުމާއި ގުޅިގެން ކުރެއްވި ޓްވީޓެއްގައެވެ.
އެގޮތުން މުޢިއްޒު ވަނީ އެކުގައި، އެއްތަނެއްގައި އުޅޭ ދެމަފިރިންނަށް އެކަކު އަނެކަކަށް ތަފާތުކޮށް ދިރިއުޅުމުގެ ހާލަތުގެ ޕޮއިންޓު މިސަރުކާރުން ދެނީ ކީއްވެތޯ އާއި އެއީ ކޮން ގޮތަކަށް ބައްލަވާފައިތޯ ސުވާލު ކުރައްވާފައެވެ.
“މިއަދު ނެރުނު އެޗް9 ލިސްޓުގައި މިކަން ވަރަށް ގިނަ ރައްޔިތުންނަށް ދިމާވެފައިވާ ކަމުގެ ކަންބޮޑުވުން ދަނީ ލިބެމުން” ޑރ. މުޢިއްޒު ވިދާޅުވިއެވެ.
Ekugai, ehthaneggai, ulhey dhemafirinnah, ekaku anekakah thafaathu koh dhiriulhumuge haalathuge point misarukaarun mi dhenee keevve tho? Eyee kon gothakah ballavaafa baa? Miadhu nerunu H9 list gai mikan varah gina rayyithunnah dhimaavefavaa kamuge kanboduvun dhanee libemun.
— Dr Mohamed Muizzu (@MMuizzu) September 20, 2020
ހިޔާ މަޝްރޫއުގެ ދަށުން ދޫކުރާ ފްލެޓަށް އެދި ހުށަހަޅާފައިވާ ފަރާތްތަކަށް ޕޮއިންޓް ދީފައިވަނީ އުސޫލާއެއްގޮތަށްތޯ ބަލައި ކަށަވަރުކުރުމަށް ކުރެވޭ މަސައްކަތް ފްލެޓުތަކުގެ މައްސަލަ ބަލާ ކޮމިޓީން އަންނަނީ ކުރަމުންނެވެ.
އެ ކޮމިޓީން މިއަދު ވަނީ ދަފްތަރު ކެޓަގަރީން ފްލެޓަށް އެދި ހުށަހެޅި މީހުންނަށް ޕޮއިންޓް ލިބިފައިވާ ގޮތުގެ ވަގުތީ ލިސްޓު އާންމުކޮށް، އެ ލިސްޓަށް ޝަކުވާ ހުށަހެޅުމުގެ ފުރުސަތު ހުޅުވާލައިފަ އެވެ.
އެގޮތުން ފްލެޓަށް އެދުނު މީހުންގެ ތެރެއިން 25 މީހުންނަކީ ޝަރުތު ހަމަނުވާ މީހުން ކަމަށް ލިސްޓުގައިވެއެވެ.
advertisment