ރާއްޖޭއިން ކޮވިޑް ޖެހޭ މިންވަރު ދަށްވަމުންދިޔަ ނަމަވެސް އަދި ފަރުވާކުޑަ ނުކުރުމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް ގޮވާލައްވައިފިއެވެ.
ރާއްޖެއިން މިހާރު ޕޮޒިޓިވްވާ މީހަކުގެ އަދަދު އަންނަނީ ދަށްވަމުންނެވެ. ހަމައެއާ އެކު، ޕޮޒިޓިވްވާ މީހުންގެ ތެރޭގައި އެހެން ކޭސްތަކާ ގުޅުން ނެތް ކޭސްތައް ވެސް އަންނަނީ މަދުވަމުންނެވެ.
މިކަމާ ގުޅިގެން މިނިސްޓަރު މައުސޫމް ވަނީ ދިވެހި ރައްޔިތުންނަށް ޅެން ބައިތަކުން ޝުކުރު އަދާކުރައްވާފައެވެ.
“ސައްތައަށްވުރެ ތިރިކުރީތީ ދަންނަވަމެ ޝުކުރާސަނާ! މިވަރަކުން އެހެނަސްނެތޭ ދޫކޮށްލެވޭކަށް އަތްދަށުން! ކޮށްލާށެހިއްވަރު އަދިދެތިން ހަފުތާއަކަށް ވަތަނަށްޓަކާ!” މައުސޫމް ވިދާޅުވިއެވެ.
ސައްތައަށްވުރެ ތިރިކުރީތީ ދަންނަވަމެ ޝުކުރާސަނާ!
މިވަރަކުން އެހެނަސްނެތޭ ދޫކޮށްލެވޭކަށް އަތްދަށުން!
ކޮށްލާށެހިއްވަރު އަދިދެތިން ހަފުތާއަކަށް ވަތަނަށްޓަކާ!— Abdulla Mausoom (@Mausoom_Maus) September 24, 2020
މިހާރު ދުވާލެއްގެ މައްޗަށް ރާއްޖެއިން މި ބައްޔަށް ޕޮޒިޓިވްވާ މީހުންގެ އަދަދު 100 އިން ތިރިވެފައިވާއިރު ގިނަ ދުވަސް ދުވަހު ނަންބަރުތައް އުޅެނީ 50 އިން ވެސް ދަށުގައެވެ.
ކޮވިޑް ކޭސްތައް މަދުވާން ފެށުމާއެކު ރާއްޖެ އަންނަ ޓޫރިސްޓުންގެ އަދަދުވެސް ވަނީ އިތުރުވާން ފަށާފައެވެ.
ރާއްޖޭގެ ބޯޑަރު ތިން މަސް ދުވަހު ބަންދުކޮށްފައި އޮތުމަށްފަހު އަލުން ހުޅުވާލީ މިދިޔަ ޖުލައި މަހުގެ 15ވަނަ ދުވަހުއެވެ. އޭގެފަހުން ކޮންމެ ދުވަހަކުވެސް ރާއްޖެ އަށް ފަތުރުވެރިން މިހާތަނަށް އެންމެ ގިނަ ފަތުރުވެރިން ރާއްޖެ ޒިޔާރަތް ކޮށްފައި ވަނީ މި މަހުގެ 20 ވަނަ ދުވަހުއެވެ.
advertisment