ގެސްޓް ހައުސް ހުޅުވާފައި ހުންނަ ރަށަކަށް ޒަރޫރީ ބޭނުމަކަށް ދަތުރުކުރާނަމަ ކަރަންޓީން ވާން ނުޖެހޭނެ ކަމަށް ހެލްތު އެމަޖެންސީ އޮޕަރޭޝަން ސެންޓަރ (އެޗްއޯސީ) އިން ވިދާޅުވެއްޖެއެވެ.
ނޫސްވެރިންގެ ބައްދަލުވުމެއްގައި ޓެކްނިކަލް އެޑްވައިޒަރީ ގްރޫފް (ޓެގް) ގައި މަސައްކަތް ކުރައްވާ ޑޮކްޓަރ އަހްމަދު ޝަހީދު ވިދާޅުވީ ގެސްޓްހައުސް ހުންނަ ރަށްތަކަށް ޒަރޫރީ ބޭނުންތަކުގައި ދަތުރު ކުރާ މީހުން ކަރަންޓީން ވާން ނުޖެހޭނެ ކަމަށެވެ.
ނަމަވެސް ގެސްޓްހައުސްތައް ހުންނަ ރަށްތަކަށް ދަތުރުކުރާ މީހުން ރައްކާތެރިކަމުގެ ފިޔަވަޅުތަކަށް އިތުރު ސަމާލުކަމެއް ދޭން ޖެހޭނެ ކަމަށް އޭނާ ވިދާޅުވިއެވެ.
އަތޮޅުތަކުގެ ގެސްޓް ހައުސްތައް އަންނަ މަހުގެ 15 ވަނަ ދުވަހުން ފެށިގެން ހުޅުވުމުގެ ހުއްދަ ދޭން ސަރުކާރުން ވަނީ ނިންމާފައެވެ