ރާއްޖެއިން މިއަދު އިތުރު 54 މީހަކު ކޮވިޑް-19އަށް ޕޮޒިޓިވް ވެއްޖެއެވެ.
އެޗްޕީއޭއިން ބުނީ ފާއިތުވި 24 ގަޑިއިރު ތެރޭ މާލެ ސަރަހައްދުން 52 މީހަކު އަދި އަތޮޅުތަކުން 2 މީހަކު ކޮވިޑަށް ޕޮޒިޓިވްވެފައިވާ ކަމަށެވެ.
މީގެ އިތުރުން މިއަދު ޕޮޒިޓިވްވި މީހުންގެ ތެރޭގައި ހިމެނެނީ 45 ދިވެހިންނާއި ނުވަ ބިދޭސީންނެވެ.
ރާއްޖޭގެ ކޮވިޑު ހާލަތަށް ބަލާއިރު މިހާރު ހޮސްޕިޓަލްގައި އެޑްމިޓު ކޮށްގެން ފަރުވާ ދެމުން އަންނަނީ 68 މީހަކަށެވެ.
މިއަދު 9466 މީހަކު ބަލިން ރަނގަޅުވެފައިވާ އިރު ރާއްޖެއިން ބަލި ޖެހުނު މީހުންގެ ޖުމްލަ އަދަދު މިވަނީ 10621 އަށް އަރާފައެވެ.
މި ބަލީގައި ރާއްޖެއިން މިހާތަނަށް 34 މީހަކު ވަނީ މަރުވެފައެވެ.