ޗައިނާއާ އެކު ވެފައިވާ މިނިވަން ވިޔަފާރީގެ އެއްބަސްވުން ނުވަތަ ފްރީ ޓްރޭޑް އެގްރީމަންޓް (އެފްޓީއޭ)ގެ ސަބަބުން ރާއްޖެއާއި ޗައިނާގެ ވިޔަފާރީގެ ގުޅުން މުޅިން އެހެން ހަރުފަތަކަށް ގެންދެވޭނެ ކަމަށް ޗައިނާ އިން ރާއްޖެ އަށް ކަނޑައަޅުއްވާފައި ހުންނަވާ ސަފީރު ޖަންގް ލީ ޖޮންގް ވިދާޅުވެއްޖެއެވެ.
ސަފީރު މިހެން މި ވިދާޅުވީ އެފްޓީއޭގެ އެއްބަސްވުމަކީ ސޮއިކުރަން ހެޔޮވާވަރުގެ އެއްޗެއް ނޫން ކަމަށާއި އެ އެއްބަސްވުމުގައި ރާއްޖޭގެ އިގްތިސާދަށް ގެއްލުން ކުރާނެ ކަންކަން އެބަހުރި ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވުމާ ގުޅިގެންނެވެ.
އެގޮތުން ފައްޔާޒަށް ނުސީދާކޮށް ރައްދު ދެއްވައި ސަފީރު ކުރެއްވި ޓްވީޓެއްގައި ވިދާޅުވީ އެފްޓީއޭ އަކީ ދެ ގައުމަށް ވެސް އޭގެއިން ފައިދާ ކުރާނެ އެއްބަސްވުމެއް ކަމަށާއި އެ އެއްބަސްވުމުގެ ސަބަބުން ދެ ގައުމުގެ ވިޔަފާރީގެ ގުޅުން މުޅިން އެހެން ހަރުފަތަކަށް ގެންދެވޭނެ ކަމަށެވެ.
ޗައިނާއިން 22 ޕާޓުނަރުންނާއެކު 18 އެފްޓީއޭގައި ސޮއިކޮށްފައިވާ ކަމަށާއި ނަމަވެސް އެފްޓީއޭގެ ސަބަބުން އޭގެއިން އެއްވެސް ގައުމެއްގެ ވިޔަފާރީގެ ގުޅުންތަކަށް ހީނަރުކަން އައިސްފައި ނުވާ ކަމަށްވެސް ސަފީރު ވިދާޅުވިއެވެ.
FTA ???????????????? is of mutual benefit and high-quality. It conforms to international practice and will lift the economic and trade ties to new level.
China signed 18 FTAs with 22 partners, and no FTA has ever disrupted any country's trade ties with its trading partners.
— Amb. Zhang Lizhong (@AmbassadorZhang) October 13, 2020
ރާއްޖެއިން ޗައިނާއާ އެކު ފްރީ ޓްރޭޑް އެގްރިމެންޓެއްގައި ސޮއިކުރީ ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމުގައި 2017 ވަނަ އަހަރުގެ ޑިސެމްބަރު މަހުގެ ތެރޭގަ އެވެ.
advertisment