އޭޑީކޭ ހޮސްޕިޓަލުން ހިދުމަތް ހޯދާ ފަރާތްތައް ބޭނުންކުރުމަށް އެތަނުގެ ފާހާނާގައި ބަހައްޓާފައި ހުރި އަތް ހިއްކާ މެޝިންތައް ވަގަށް ނަގާ މައްސަލަ ފެންމަތިވެއްޖެއެވެ.
އޭޑީކޭ އިން ރޭ ކުރި ޓުވީޓެއްގައި ވަނީ މެޝިނެއް ވަގަށް ނެގި ކަމަށް ތުހުމަތުވާ މީހާ ފެންނަ ސީސީޓީވީ ފުޓެޖް ވެސް އާންމުކޮށްފައެވެ.
އެ ވީޑިއޯއިން ފެންނަނީ ދަބަހެއް އަޅައިގެން ހުރި ފިރިހެނަކު އެ ހޮސްޕިޓަލަށް ވަންނަ ގޮތަށް ގޮސް އެތަނުގެ ފާހާނައަށް ވަދަގެންދާ ތަނެވެ. ވީޑިއޯއިން ފެންނަ ގޮތުން މިމިހާ ފުރަތަމަ ވަންނަނީ ފިރިހެނުންނަށް ހާއްސަކޮށްފައިވާ ފާހާނައަށެވެ. އޭގެ އިތުރުން އޭނާ ފިރިހެނުންގެ ފާހާނައިގެ އިތުރުން އަންހެނުންގެ ފާހާނާއަށް ވެސް ވަދެ ނުކުންނަ މަންޒަރު ވީޑިއޯ އިން ފެނެއެވެ.
އޭޑީކޭއިން ބުނީ އެ ހޮސްޕިޓަލުން ހިދުމަތް ހޯދާ މީހުންގެ ރައްކާތެރިކަމަށް އެޅި ފިޔަވަޅެއްގެ ގޮތުން ފާހާނާތަކުގައި އަތް ހިއްކާ މެޝިންތައް ބެހެއްޓީ ދާދި ފަހުންކަމަށެވެ.
We recently installed special hand-dryers in our public toilets. Drying hands after washing is an important component of good hand hygiene.
Sadly, some of these are being stolen! pic.twitter.com/5Dv1efojpc
— ADK Hospital (@ADKHospital) October 14, 2020
ކޮވިޑްގެ ޕެންޑެމިކްގެ ތެރެއިން އޭޑީކޭގައި ބަހައްޓާފައި ހުރި ސެނެޓައިޒާ ފުޅިތައް ވަގަށް ނަގާ މައްސަލައެއްވެސް ވަނީ މީގެ ކުރިން ފެންމަތިވެފައެވެ.
advertisment