މާލޭގައި އުޅަނދު ދުއްވުން މަނާވާ ގަނޑި ރޭގަނޑު 11ގެ ފަހަށް ބަދަލުކޮއްފިއެވެ.
މީގެ ކުރިން އެޗްޕީއޭއިން އަންގާފައި ވަނީ ރޭގަނޑު 10:00 އިން ފަތިހު 5:00 އަށް މާލޭގައި އެއްގަމު އުޅަނދުތައް ދުއްވުން މަނާވާނެ ކަމަށެވެ.
އެ ވަގުތައް ބަދަލު ގެނެސް އެޗްޕީއޭއިން މިރޭ ނެރުނު އެންގުމެއްގައި ބުނީ މާދަމާއިން ފެށިގެން މާލެ ސަރަހައްދުގައި އެއްގަމު އުޅަނދު ދުއްވުން މަނާވާނީ ރޭގަނޑު 11:00 އިން ފަތިހު 4:00 އަށް ކަމަށެވެ.
އެއްގަމު އުޅަނދު ދުއްވޭ ވަގުތަށް ބަދަލުގެނައި ނަމަވެސް ކާފިއު ވަގުތަށް ބަދަލުގެނެސްފައެއް ނުވެއެވެ. އަދިވެސް ރޭގަނޑު 10:00 އިން ފެށިގެން ފަތިހު 5:00 އާ ދެމެދު ބޭރަށް ނިކުމެ އުޅުން މަނާވާނެ އެވެ.