އައްޑޫ ސިޓީ ހިތަދޫގައި ޒުވާނަކަށް ހަމަލާދީ ވަރަށް ބޮޑަށް ޒަހަމްކޮށްލައިފިއެވެ.
ފުލިހުން ވިދާޅުވީ އައްޑޫ ސިޓީ ހިތަދޫގައި 2 ގުރޫޕްއެއްގެ ދެމެދުގައި ހިނގި މާރާމާރީއެއްގައި ތޫނު އެއްޗަކުން ހަަމަލާދީ މީހަކު ޒަހަމް ކޮށްލާފައިވާ ކަމުގެ ރިޕޯޓް މިރޭ 12:28 ހާއިރު ފުލުހަށް ހުށައަޅާފައިވާކަމަށެވެ.
އެ ޒުވާނާ އަށް އައްޑޫ އިކުއަޓޯރިއަލް ހޮސްޕިޓަލްގައި މިހާރު ގެންދަނީ ފަރުވާދެމުންނެވެ.
މަންޒަރު ދުށް މީހަކު ބުނި ގޮތުގައި ވަޅިން ހަމަލާދީ އެ ޒުވާނާގެ އަތުގެ ދެ އިނގިލި ވަނީ ބުރިކޮށްލައިފައެވެ. އެމީހާގެ އުނަގަނޑާއި ފަޔަށާއި ބުރަކައްޓަށް ވެސް ހަމަލާދީފައިވާ ކަމަށްވެއެވެ. އަދި އެމީހާގެ ފައި ވެސް އޮތީ ވަރަށް ބޮޑަށް ޒަހަމްވެފައެވެ.
މި މައްސަލަ ފުލުހުން އަންނަނީ ތަހިގީގު ކުރަމުންނެވެ.
advertisment