ތިނެއް ނޮވެމްބަރު 1988 ވަނަ އަހަރު ރާއްޖެއަށް ކުރިމަތިވި ޢުދުވާނީ ޙަމަލާ ނާކާމިޔާބު ކޮށްލަން އިންޑިއާ ސަރުކާރުން ވެދެއްވި އެހީއަށް އޭރު ރާއްޖޭގެ ރައީސް ކަމުގައި ހުންނެވި މައުމޫން އަބްދުލްގައްޔޫމް ޝުކުރު އަދާކުރައްވައިފިއެވެ.
ނަސްރުގެ ދުވަހުގެ މުނާސަބަތުގައި މައުމޫން ކުރެއްވި ޓްވީޓެއްގައި ވިދާޅުވީ 3 ނޮވެމްބަރު 1988 ދުވަހު ދިވެހި ޤައުމަށް ދެއްވި މަތިވެރި ނަޞްރަށްޓަކާ މާތް ﷲ އަށް ޙަމްދުކޮށް ޝުކުރު ދަންނަވާ ކަމަށެވެ.
“އެއަށްފަހު ނަޞްރުގެ ދުވަހުގެ އިޚްލާޞްތެރި ތަހުނިޔާ އެންމެހާ ލޮބުވެތި ދިވެހި ރައްޔިތުންނަށް ފޮނުވަން. އަދި އިންޑިޔާ ސަރުކާރުން ވެދެއްވި ވަރުގަދަ އެހީއަށް މިއަދުވެސް ޝުކުރު ދަންނަވަން.” މައުމޫން ވިދާޅުވިއެވެ.
3 ނޮވެމްބަރ1988 ދުވަހު ދިވެހިޤައުމަށްދެއްވި މަތިވެރިނަޞްރަށްޓަކާ މާތް ﷲ އަށް ޙަމްދުކޮށްޝުކުރުދަންނަވަން. އެއަށްފަހުނަޞްރުގެދުވަހުގެ އިޚްލާޞްތެރި ތަހުނިޔާ އެންމެހާލޮބުވެތިދިވެހިރައްޔިތުންނަށްފޮނުވަން. އަދިއިންޑިޔާސަރުކާރުންވެދެއްވި ވަރުގަދައެހީއަށްމިއަދުވެސްޝުކުރުދަންނަވަން.
— Maumoon Abdul Gayoom (@maumoonagayoom) November 3, 2020
މިއަދަކީ މީގެ 32 އަހަރުކުރިން ދިވެހިރާއްޖޭގެ މިނިވަންކަން ނަގާލަން، ދިވެހި ޚާއިނުންގެ މަދުބަޔަކާއި، ބޭރުގެ ކުލީ ޓެރަރިސްޓުންގެ ބަޔަކު ދިން ޢުދުވާނީ ޙަމަލާ ނާކާމިޔާބުކޮށްލައި، ދިވެހި ސިފައިން ދިވެހި ޤައުމަށް ނަސްރު ހޯދައިދިން މިހާދިސާއަށް 32 އަހަރު ފުރޭ ދުވަހެވެ.
ދިވެހިންގެ މަދުބަޔަކު އަޑީގައި ތިބެގެން ހިންގި މި ޢުދުވާނުގައި ސިފައިންގެ ތެރެއިން 8 ބޭކަލަކާއި އާންމު ރައްޔިތުންގެ ތެރެއިން 11 ބޭކަލަކު ޝަހީދުވިއެވެ.