ކަނޑިންމަ ރިސޯޓުން އިތުރު 27 މީހަކު ކޮވިޑް19 އަށް ޕޮޒިޓިވްވެއްޖެއެވެ.
ހެލްތު އެމަޖެންސީ އޮޕަރޭޝަން ސެންޓަރ (އެޗްއީއޯސީ) އިން ބުނީ އެ ރިސޯޓުން މިހާތަނަށް ޖުމްލަ 176 ސާމްޕަލް ނަގާފައިވާއިރު، މިއަދު އެ 27 މީހަކު ޕޮޒިޓިވް ވެފައިވާ ކަމަށެވެ.
މިއާއެކު އެ ރިސޯޓުން މި ބައްޔަށް ޕޮޒިޓިވްވި މީހުންގެ އަދަދު ވަނީ 46 އަރާފައެވެ.
އެ ރިސޯޓުން 126 ސާމްޕަލް ކޮވިޑަށް ނެގެޓިވް ވެފައިވާ ކަމަށް އެޗްއީއޯސީން ބުނެއެވެ.
ކަނޑިންމަ ރިސޯޓުން ސާމްޕަލްތަކެއް ނަގަން ފަށާފައިމިވަނީ އެ ރިސޯޓުގައި ހުއްޓާ ހާލު ދެރަވެގެން ދ. އަތޮޅު ހޮސްޕިޓަލަށް ގެންދިޔަ މީހަކު ކޮވިޑް މަރެއްގައި މަރުވުމާއި ގުޅިގެންނެވެ.