“އިންޑިއާގެ އަޅުވެތިކަމުން ރާއްޖެ ސަލާމަތް ކުރުމަށް ހުސެއިން އާދަމް ފަދަ ދަރިންތަކެއް ބޭނުންވޭ”

އިންޑިއާގެ އަތްދަށުން ރާއްޖެ ސަލާމަތް ކުރުމަށްޓަަކައި ޝަހީދު ހުސެއިން އާދަމް ފަދަ ދަރިންތަކެއް މި ގައުމަށް ބޭނުންވާ ކަމަށް ނޮޅިވަރަމް ދާއިރާގެ މެމްބަރު މުހައްމަދު ނަޝީދު އަބްދުﷲ (މޮސްޓާ) ވިދާޅުވެއްޖެއެވެ.

ދިވެހިރާއްޖޭގެ ނަސްރުގެ ދުވަހުގެ މުނާސަބަތުގައި މޮސްޓާ ދެއްވި މެސެޖެއްގައި މޮސްޓާ ވިދާޅުވީ ޝަހީދު ހުސެއިން އާދަމް އަކީ ގައުމީ ބަތަލެއް ކަމަށާއި ތިލަދުންމަތީގެ ފަޚުރު ކަމަށެވެ.

އަދި މީގެ އިތުރުން މިއަދުވެސް ހަނގުރާމައަކާއި ހަމައަށް ނުދިޔަޔަސް ޤައުމު މިވަނީ މާ ހެޔޮ އެދޭ ކަމަށް ދައްކައިގެން މި ޤައުމަށް ފާވެގެންފައިވާ އިންޑިއާއޭ ކިޔުނު ބައެއްގެ އަޅުވެތިކަމުން ސަލާމަތުގެ އައްސޭރިއަކަށް ގެންގޮސްދޭން ޝަހީދު ހުސެއިން އާދަމް ފަދަ ދަރީންތަކަށް ބޭނުން ވެފައި ކަމައްވެސް މޮސްޓާ ވިދާޅުވިއެވެ.

“ގައުމަށް ގައްދާރުވާ މީހުން ގަބޫލު ނުކުރި ނަމަވެސް ނޮވެމްބަރު 3 ގެ ޝަހީދުންގެ އަގު މި ފަސްގަނޑާއި މި ފަސްގަނޑުގައި އުޅޭ ގިނަ ދިވެހި ރައްޔިތުން މިއަދު ވެސް ގަބޫލުކުރާ ކުރޭ” މޮސްޓާ ވިދާޅުވިއެވެ.