މާލެ ސަރަހައްދުގައި ހިންގާ ފިހާރަތައް މިއަދުން ފެށިގެން ކޮންމެ ރެއެއްގެ ވެސް ރޭގަނޑު 11 ޖަހަންދެން ހުޅުވާފައި ބެހެއްޓޭނެ ކަމަށް އިކޮނޮމިކް މިނިސްޓްރީން ބުނެފިއެވެ.
ފިހާރަތައްއ ހުޅުވުމައް މީގެކުރިން ހުއްދަ ދީފައިވަނީ ހެނދުނު 6:00 އިން ރޭގަނޑު 9:30 އަށެވެ.
އިކޮނޮމިކް މިނިސްޓްރީން މިއަދު ކުރި އިއުލާނެއްގައި ބުނީ މިއަދުން ފެށިގެން ފިހާރަތައް ފަތިހު 5:00 އިން ރޭގަނޑު 11:00 އަށް ހުޅުވާފައި ބެހެއްޓޭނެ ކަމަށެވެ.
އަދި ކަސްޓަމަރުންނަށް ހުޅުވާލައިގެން، ވިޔަފާރިކުރާ ފިހާރަތަކުން ހެލްތް ޕްރޮޓެކްޝަން އެޖެންސީން ކަނޑައަޅާ އުޞޫލުތަކާއި އެއްގޮތަށް ޢަމަލުކުރަން ވާނެ ކަމަށް އެ އިއުލާނުގައި ބުނެފައިވެއެވެ.
އެޗްޕީއޭ އިން ރޭގަ ކާފިއު ގަޑި ރޭގަނޑު 12 އިން ފަތިހު 4 އަށް އަދި 15 މީހުންނަށް ވުރެ ގިނަ ނުވާނެ ގޮތަށް މީހުން އެއްވެ އުޅުމަށް ހުއްދަދީ، މައިޒާންތަކާއި ޕާކުތައް ހުޅުވުމަށް ވެސް ހުއްދަ ދީފަވެއެވެ.