މިއަހަރުގެ ފުރަތަމަ ކުއާޓާގައި ވައްކަމާއި ފޭރުމުގެ 1231 މައްސަލައެއް ހުށަހަޅާފައިވާ ކަމަށް ފުލުހުން ވިދާޅުވެއްޖެއެވެ.
މިއަހަރުގެ ފުރަތަމަ ކުއާޓާގެ ތަފާސް ހިސާބުތަކުން ދައްކާ ގޮތުގައި އެންމެ ގިނައިން ވައްކަން، ފޭރުމުގެ މައްސަލަ ރިޕޯޓް ކޮށްފައިވަނީ ވެރިރަށް މާލޭއިން 910 މައްސަލައެއް ވަނީ ރިޕޯޓް ކޮށްފައެވެ.
އަދި މީގެ އިތުރުން އައްޑޫއިން 66 މައްސަލައެއް ރިޕޯޓް ކޮށްފައިވާއިރު ފުވައްމުލަކުން 32 މައްސަލައެއް ވަނީ ހުށަހަޅާފައެވެ.
އަދި ރާއްޖޭގެ އެހެން އަތޮޅު ތަކުން 223 މައްސަލަތަކެއް ވަނީ ރިޕޯޓް ކޮށްފައެވެ.
މިމައްސަލަތަކުގެ ތެރެއިން 119 މައްސަލައެއް ތަހުގީގު ކޮށް ދައުވާ ކުރުމަށް ވަނީ ފޮނުވާފައިވާއިރު މައްސަލަތަކާއި ގުޅިގެން 210 މީހަކު ވަނީ ހައްޔަރު ކޮށްފައެވެ.