ގދ. ތިނަދޫގައި ރަހީނުކޮށްފައި ހުރި މީހަކު ސަލާމަތްކޮށްފިއެވެ.
މައުލޫމާތު ލިބިފައިވާ ގޮތުގައި އެމީހާ ރަހީނުކޮށްފައިވަނީ އެރަށުގެ ގެޔެއްގެ ތެރޭގައެވެ. އަދި އެމީހާ ސަލާމަތް ކޮށްފައިވަނީ މިއަދިއެވެ.
ފުލުހުންގެ މިީޑިއާ އޮފިޝަލް ވިދާޅުވީ، ތިނަދޫގައި މީހަކު ރަހީނުކޮށްފައިވާ މައްސަލަ ފުލުހުންނަށް ހުށައަޅާފައިވަނީ މިއަދު 17:00ގައި ކަމަށެވެ.
އަދި މި މައްސަލައާ ގުޅިގެން ފުލުހުން ހިންގި އޮޕަރޭޝަންގައި ރަހީނުކޮށްފައި ހުރި މީހާ ސަލާމަތްކޮށްފައިވާ ކަމަށްވެސް ފުލުހުންގެ މީޑިއާ އޮފިސަލް ވިދާޅުވިއެވެ.
އެ މައްސަލައިގެ ތުހުމަތުގައި ހަތަރު މީހަކު ފުލުހުންގެ ބެލުމުގެ ދަށަށް ގެނެސްފައިވާ ކަަމަށް ފުލުހުން ވިދާޅުވިއެވެ.