ގެއްލިގެން ހޯދަން އިއުލާނުކުރި ޝިރުމީނާ އަބޫބަކުރު ރަހީނުކުރި މައްސަލައިގެ ތުހުމަތުގައި ކުޑަކުއްޖަކު އިއްޔެ ހައްޔަރުކޮށްފި އެވެ.
މިދިޔަ މަހުގެ 31 ވަނަ ދުވަހުންފެށިގެން ގެއްލިގެން ހޯދަމުން ދިޔަ ޝިރުމީނާ ރަހީނުކޮށް ގިނަ އަދަދެއްގެ ފައިސާ ފޭރިގަނެފައިވާ ކަމަށް އާއިލާ އިން ބުނެ އެވެ. މީގެ ކުރިން ވެސް މި މައްސަލާގައި ދިވެއްސަކު ހައްޔަރު ކޮށްފަ އެވެ.
ފުލުހުން ބުނީ މި މައްސަލައާ ގުޅިގެން ކޯޓު އަމުރެއްގެ ދަށުން 18 އަހަރު ނުފުރޭ ކުއްޖަކު އިއްޔެ ހައްޔަރުކޮށްފައިވާ ކަމަށެވެ.
އަދި މި މައްސަލައިގައި މީގެކުރިން ހައްޔަރުކުރި 31 އަހަރުގެ މީހާގެ ބަންދަށް ދެވަނަ ފަހަރަށް ކޯޓުން 15 ދުވަސް ދީފައިވާ ކަމަށް ފުލުހުން ބުނެއެވެ.
އަދި އެ އަންހެން މީހާ ގެއަށް އައިސްފައިވަނީ އަމިއްލަ އަށް ކަމަށް ފުލުހުން ބުނާއިރު، ބައެއް މީޑިޔާތަކަށް މައުލޫމާތު ދެމުން ޝިރުމީނާގެ އާއިލާ އިން ވަނީ އޭނާ ބަޔަކު ރަހީނުކޮށްފައިވާ ކަމަށް ތުހުމަތުކޮށްފައެވެ.