މާލޭގެ ރައްޔިތުންނަށް ދިމާވެފައިވާ މައްސަލަތައް ހައްލުކޮށް ނަތީޖާ ނެރެވޭނީ މި ސަރުކާރުގެ “ޕަޕެޓް” އަކަށް ނުވާ ރައްޔިތުންގެ ފަޅީގައި ހުންނާނެ ރައްޔިތުންގެ ހާދިމަކަށް ކަމަށް އިދިކޮޅު ޕީޕީއެމްގެ ފަރާތުން މާލެ ސިޓީގެ މޭޔަރުކަމަށް ކުރިމަތިލައްވާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
މުޢިއްޒު ރޭ ކުރެއްވި ޓުވީޓެއްގައި ވިދާޅުވެފައިވަނީ މާލެ ރައްޔިތުންނަށް ކުރިމަތިވެފައިވާ މައްސަލަތައް ހައްލުކުރެވޭނީ މި ސަރުކާރުގެ ޕަޕެޓަކަށްނުވާނެ ފަރާތަކަށް ކަމަށެވެ.
މުއިއްޒު ވިދާޅުވީ މާލެ ރައްޔިތުންނަށް ޙައްލުތައް ފަހިކޮށްދެއްވޭނީ ސަރުކާރާއެކު ޑީލު ނަހައްދަވާނެ ބޭފުޅަކަށް ކަމުގައެވެ. އަދި އެ ބޭފުޅަކީ ރައްޔިތުންގެ ފަޅީގައި ހުންނަވައި ރައްޔިތުންނަށް ޚިދުމަތްކުރައްވާ ރައްޔިތުންގެ ޚާދިމަކަށްވާންޖެހޭ ކަމުގައިވެސް މުޢިއްޒު ފާހަގަކުރެއްވިއެވެ.
Male rayyithunnah dhimaavefaivaa massala thah hallukoh natheeja neredheveynee,mi sarukaaruge 'puppet' akah nuvaaney,sarukaaruge pressure ah dheelaanulaaney,sarukaaraa 'deal' thah nuhadhaa, rayyithunge falheegai hunnaaney, rayyithunge khaadhimakah. 'Sarukaaruge khaadhimakah' noon!
— Dr Mohamed Muizzu (@MMuizzu) November 21, 2020
މުއިއްޒު މީގެ ކުރިން ވިދާޅުވެފައި ވަނީ ފުށި ދިއްގަރު ފަޅަކީ މާލެ ރައްޔިތުންނަށް ގޯއްޗާއި ފްލެޓް ދޭން ހާއްސަ މަންޒިލަކަށް ހެދުމަށް މަސައްކަތް ކުރަން ޖެހޭ ކަމަށެވެ. އަދި މާލޭ މޭޔަރު ކަމަށް ހޮވޭ މީހެއްގެ އެންމެ ބޮޑު ޒިންމާއަކަށް ވާން ޖެހޭނީ މާލެ ރައްޔިތުންނަށް ދާއީމީ ބޯހިޔާވަހިކަން ހޯދާދިނުމަށް މަސައްކަތް ކުރުން ކަމަށް މުއިއްޒު ވިދާޅުވިއެވެ. މުއިއްޒު ވިދާޅުވީ މޭޔަރުގެ އެންމެ އިސް މަސްއޫލިއްޔަކަށްވާން ޖެހޭނީ އެކަން ކަމަށެވެ.
advertisment