އިލެކްޝަންސް ކޮމިޝަންގެ މެމްބަރު ކަމުން އަހުމަދު އަކްރަމް ވަކި ކުރުމަށް ނިންމީ ޖިންސީ ފުރައްސާރައިގެ މައްސަލައެއްގައި ނޫން ކަމަށް މިނިވަން މުވައްސަސާތަކައި ބެހޭ ކޮމިޓީގެ މުގައްރިރު ރޮޒެއިނާ އާދަމް ވިދާޅުވެއްޖެއެވެ.
ރައްޔިތުންގެ މަޖިލީހުގެ މިނިވަންމުޢައްސަސާތަކާ ބެހޭ ކޮމެޓީއަށް ހުށަހެޅިފައިވާ މައްސަލައަކާ ގުޅިގެން އަކްރަމް ވަނީ މަގާމުން އިސްތިއުފާ ދެއްވާފައެވެ. އަދި އެކަމާއި ގުޅިގެން ތަފާތު އެކި ވާހަކަތައް ފެތުރެމުން ދާއިރު، ރޮޒެއިނާ ކުރެއްވި ޓްވީޓެއްގައި ވިދާޅުވީ ބަލަމުން ދަނީ ސުލޫކީ މައްސަލައެއް ކަމަށެވެ. އަދި އެއީ މުވައްޒަފަކާއި ވާހަކަ ދެއްކުމުގައި ކޮމިޝަންގެ މެމްބަރެއް ހިފަހައްޓަން ޖެހޭ ސުލޫކީ މިންގަނޑެއް ހިފަހައްޓާފައި ނުވާތީ ނިންމި ނިންމެއްގެ ގޮތުގައި ރޮޒެއިނާ ވިދާޅުވިއެވެ.
Noosthakun suvaalu kuraathy dhannavaalan.
EC ge kureege NR Akram vaki kuran fonuvan MM committee in nimmee sulooky massala ehge mahchah. Muazzafunna vaahaka dhekkumuga commission membereh hifahattan jehey ahulaaqee mingandu hifahattaafa nuvaakamah comT MPs ah qabool kureveythee.— ???????? ???????????????????????????? ???????????????? ???? (@Roxeyna) November 23, 2020
ކޮމިޓީން ބަލަމުން ދާ މައްސަލައާއި ގުޅިގެން މަގާމުން އިސްތިއުފާ ދެއްވާ، އަކްރަމް ރައީސް އިބްރާހިމް މުހައްމަދު ސޯލިހުއަށް ފޮނުއްވި ސިޓީގައި ވިދާޅުވެފައި ވަނީ އޭނާގެ މައްޗަށް ތުހުމަތުކޮށް ރައްޔިތުންގެ މަޖިލީހުގެ މިނިވަންމުޢައްސަސާތަކާ ބެހޭ ކޮމެޓީއަށް ހުށަހަޅާފައިވާ މައްސަލައަކީ ވަކި ބަޔެއްގެ ރޭވުމެއްގެ ތެރެއިން ކަނޑައެޅިގެން ހަޤީޤަތާ ޚިލާފު ވާހަކަތަކެއްގެ މައްޗަށް ބިނާކޮށް ހުށަހަޅާފައިވާ މައްސަލައެއްކަމަށެވެ. އަދި އެ މައްސަލާގައި ތުހުމަތުކޮށްފައިވާ އެއްވެސް ކަމެއް އޭނާގެ ފަރާތުން ހިނގާފައިނުވާ ކަމުގެ ފުރިހަމަ ޔަގީންކަން އަރުވާކަމަށް އަކްރަމް ވިދާޅުވިއެވެ.
އެ ސިޓީގައި އަކްރަމް ވިދާޅުވީ އެކަން ހިނގާ ދިޔަ ގޮތުގެ ތަފްސީލް މަޢުލޫމާތު ހެއްކާ އެކު ރައްޔިތުންގެ މަޖިލީހުގެ މިނިވަންމުޢައްސަސާތަކާ ބެހޭ ކޮމެޓީއާ ހިއްސާކޮށްފައިވާނެ ކަމަށެވެ.