ކޮވިޑް-19 އަށް ފަރުވާ ހޯދަމުންދިޔަ އިތުރު ދިވެއްސަކު މަރުވެއްޖެ އެވެ.
އެޗްޕީއޭ އިން ބުނީ މިއަދު ހެނދުނު 9:34 ހާއިރު މަރުވެފައިވާ ދަރުމަވަންތަ ހޮސްޕިޓަލުގައި ފަރުވާ ދެމުންދިޔަ އުމުރުން 60 އަހަރުގެ ދިވެހި ފިރިހެނެއް ކަމަށެވެ.
މިއީ ރާއްޖެއިން ކޮވިޑްގައި މަރުވި 48 ވަނަ ފަރާތެވެ.
ކޮވިޑަށް ރާއްޖެއިން މިހާތަނަށް 13،308 މީހުން ޕޮޒިޓިވް ވެފައިވާއިރު، އެކްޓިވް ކޭސްގެ ގޮތުގައި އުޅެނީ 633 ކޭސް އެވެ. 12،621 މީހުން ބަލިން ރަނގަޅުވެފައިވާއިރު ހޮސްޕިޓަލުގައި މިވަގުތު ފަރުވާ ދެމުން އަންނަނީ 66 މީހުންނަށެވެ.
ދުވާލެއްގެ މައްޗަށް ރާއްޖޭގައި ކޮވިޑަށް ޕޮޒިޓިވްވާ މީހުންގެ އަދަދު ދަށްވަމުން އަންނައިރު، އަންނަ އަހަރުގެ ފުރަތަމަ ކުއާޓާގައި ރާއްޖޭގައި ކޮވިޑް ވެކްސިން ޖެހަން ފަށަން އަންނަނީ ތައްޔާރުވަމުންނެވެ.
advertisment