ކޮމަންޑޫ ބަނދަރުގެ މަސައްކަތް ނިމުމަކާ ގާތަށް

ށ.ކޮމަންޑޫ ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 95 ޕަސެންޓު ނިންމާލައިފިއެވެ.

މި މަސައްކަތް ކުރަމުންދަނީ ރާއްޖޭގެ ތަރައްގީގެ ގިނަ މަސައްކަތްތަކެއް ކުރަމުންދާ އެމްޓީސީސީ އިންނެވެ.

އެމްޓީސީސީން ބުނީ މި މަޝްރޫގައި މިހާރު ކުރިއަށްދަނީ ލައިޓް ޕޯސްޓް ހަރުކުރުމުގެ މަސައްކަތް ކަމަށެވެ.

މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢުއަކީ 29.41 މިލިއަން ރުފިޔާއަށް ހަވާލުކޮށްފައިވާ މަޝްރޫއެކެވެ.

މި މަޝްރޫޢުގެ އަމަލީ މަސައްކަތް ފަށާފައިވަނީ 08 ޑިސެމްބަރ 2019 ގައެވެ.