މިއަދު ރާއްޖެއިން އިތުރު 26 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
އެޗްޕީއޭއިން ބުނީ ޕޮޒިޓިވްވި26 މީހުންގެ ތެރެއިން މާލެ ސަރަހައްދުން ޕޮޒިޓިވްވީ 14 މީހަކާއި މީހުން ދިރިއުޅޭ އެހެން ރަށްރަށުން އަށް މީހުން އަދި ލިވަބޯޑުތަކުން އެކަކުގެ އިތުރުން އޮޕަރޭޝަނަލް ރިސޯޓުތަކުން ތިން މީހެއް ކަމަށެވެ.
އަލަށް ޕޮޒިޓިވްވި 26 މީހުންނާއެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ މިހާރު 13،444 އަށް އަރާފައެވެ.
ބަލިން ރަނގަޅުވި މީހުންގެ ޖުމްލަ އަކީ 12،836 އެވެ. މިދިޔަ 24 ގަޑިއރު ތެރޭ އަށްމީހަކު ބަލިން ރަނަގަޅުވެފައި ވެއެވެ.
ހޮސްޕިޓަލުތަކުގައި 47 މީހަކު ފަރުވާ ހޯދަމުންދާއިރު މިވަގުތު ޖުމްލަ 553 މީހުން ބައްޔަށް ފަރުވާ ހޯދަމުން އެބަދެއެވެ.
މި ބަލީގައި މިހާތަނަށް 48 މީހަކު ރާއްޖޭގައި މަރުވެފައި ވެއެވެ.