މާލޭގެ ފިހާރައެއްގައި އިން މީހަކަށް މިއަދު ހަވީރު ހަމަލާދީ އޭނާގެ ބޯ ފަޅާލައިފިއެވެ.
ފުލުހުން ބުނީ ނިކަގަސްމަގުގައި ހުރި ފިހާރައަކަށް ވަދެ އެފިހާރައިގައި އިން ބިދޭސީއަކަށް ހަމަލާދީ ބޯފަޅާލާފައިވާ މައްސަލައެއް މިއަދު 17:50 ހާއިރު ފުލުހުންނަށް ރިޕޯޓް ކޮށްފައިވާ ކަމަށެވެ.
މި ހާދިސާގައި އަނިޔާ ލިބުނު ބިދޭސީ މީހާ ވަނީ ފަރުވާއަށް އައިޖީއެމްއެޗް އަށް ގެންގޮސްފައެވެ.
މިމައްސަލަ އާއި ގުޅިގެން މިހާތަނަށް އަދި މިހާރު ހައްޔަރު ކޮށްފައެއް ނުވާކަމަށް ފުލުހުން ބުނެއެވެ.
ފުލުހުން އަންނަނީ މި މައްސަލަ އިތުރަށް ތަހުގީގު ކުރަމުންނެވެ.
advertisment