ކޮވިޑު-19 ވެކްސިން ޖެހުމަށް ރެޖިސްޓްރީވާން މާދަމާ ހެނދުނު ހުޅުވާލާނަން ނިންމައިފިއެވެ.
ހެލްތު އިމެޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު ޑރ.ފާޠިމަތު ނަޒްލާ ރަފީގު ވިދާޅުވީ ވެކްސިނުމަށް ވާންޖެހޭ ތައްޔާރީތައް ވަމުން އަންނަކަމަށެވެ.
ނަޒްލާ ވިދާޅުވީ ވެކްސިން ޖެހުމަށް ބޭނުންވާ މީހުން ރަޖިސްޓްރީކުރުމަށް މާދަމާ ޕޯޓަލް ހުޅުވާލާނެކަމަށެވެ. އެންމެ ފުރަތަމަ ހުޅުވާލާނީ ސިއްހީ ހިދުމަތްތެރިންނާއި ސޯޝަލް ކެއާ ވޯކަރުންނަށްކަމަށް ނަޒްލާ ވިދާޅުވިއެވެ.
ޑރ. ނަޒްލާ ވިދާޅުވީ ސިއްހީ ހިދްމަތްތެރިން ރަޖިސްޓްރީ ކުރުމަށްފަހު އެހެން ކެޓަގަރީ ތަކުން ވެކްސިނަށް ފުރުސަތު ހުޅުވާލާނެ ކަމަށެވެ.
ކޮވިޑު ވެކްސިން ޖެހުމަށް ރަޖިސްޓްރީވާން ޖެހޭނީ my.health.mv ޕޯޓަލުންނެވެ.