އަންހެނުން ތަކަކާއި ފޮށިގެން ހައްޔަރު ކުރި ބިދޭސީއަކީ ބަރަހަނާ ހާލުގައި މިސްކިތަށްވެސް ވަތް މީހާ

އަންހެނުންތަކަކަށް ފޮށި އާއްމުންނަށް އުނދަގޫ ކޮށްގެން ޑޮލަރު އޭޓީއެމް ކައިރިން މިއަދު ހައްޔަރު ކުރި މީހާއަކީ  މިސްކިިިިިތައްް ބަަަަަރަހަަަނާ ހާާާާާާާލުގައި ވަތް މީީީީީީީީހާާއެެެވެ.

ބަރަހަނާ ހާލުގައި ހުރެ އިސްލާމީ މަރުކަޒަށް ބިދޭސީއަކު ވަދެގެން އެމީހާ ހައްޔަރުކުރީ މިދިޔަ ބުރާސްފަތި ދުވަހުގެ ރޭގެ އިޝާ ނަމާދަށް ފަހުއެވެ. އެރޭ ފުލުހުން ވިދާޅުވީ އެކަމާއި ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށެވެ.

އެކަމާއި ގުޅިގެން އިތުރު މައުލޫމާތު މީޑިއާ އަށް ހިއްސާ ކުރައްވަމުން ފުލުހުން ވިދާޅުވީ އެ މައްސަލާގައި ފުލުހުންގެ ބެލުމުގެ ދަށަށް ގެނައި މީހާ މިހާރު ދޫކޮށްލާފައިވާ ކަމަށެވެ. އަދި އޭނާގެ ސްޕޮންސާ އާއި ގުޅިގެން އޭނާ ބަންގްލަދޭޝް އަށް ފޮނުވާލުމުގެ މަސައްކަތް ކުރަމުން އަންނަ ކަމަށް ވެސް ފުލުހުން ވިދާޅުވިއެވެ.

ސަންގަށްް މައުލޫމާތު ލިބިފައިވާ ގޮތުގައި މިއަދު އަންހެނުންތަކަކާއި ފޮށިގެން ޑޮލަރު އޭޓީއެމް ސަރަހައްދުންް ހައްޔަރު ކޮށްފައިވަނީވެސް ހަމަ އެމީހާއެވެ.

ފުލުހުން ވިދާޅުވީ އެމީހާ އަކީ ނަފްސާނީ މައްސަލަތަކެއް ހުންނަ މީހެއް ކަމަށް މިހާތަނަށް ފުލުހުން ބެލި ބެލުމުން އެނގިފައިވާ ކަމަށެވެ.