ގިލިލަންކަންފުށީގެ ޖެނެރަލް މެނޭޖަރު ފުރުން މަނާކޮށްފި

ކ. އަތޮޅުގައި ހިންގާ ގިލިލަންކަންފުށި ރިސޯޓުގެ ޖެނެރަލް މެނޭޖަރު ރާއްޖެއިން ފުރުން މަނާކޮށްފިއެވެ.

ފުލުހުން ބުނީ އެ ރިސޯޓުގެ ޖެނެރަލް މެނޭޖަރު ފުރުން މަނާކުރުމުގެ އަމުރަކަށް ކޯޓުގައި އެދުނީ ރޭގެ ވަގުތެއްގައި ކަމަށެވެ. އަދި އެ އަމުރު މިހާރު ލިބިފައިވުމުން ކަމާ ގުޅުންހުރި މުއައްސަސާތަކާއި އެކަން ހިއްސާކޮށްފައިވާ ކަމަށް ފުލުހުން ބުނެއެވެ.

އޭނާ ފުރުން މަނާކުރީ ކ. ހިންމަފުއްޓާއި ގިލި ލަންކަން ފުށި ރިސޯޓާއި ދެމެދުގައި އޮންނަ ފިނޮޅަކަށް އެ ރިސޯޓުގެ ޖެނެރަލް މެނޭޖަރާއި މުވައްޒަފުން ގޮސް ގެއްލުންދިން މައްސަލައާ ގުޅިގެންނެވެ. އެގޮތުން ފިނޮޅަށް ގެއްލުން ދިނުމުގެ ގޮތުން ފިނޮޅުގެ އެއްކޮޅުން އަނެއްކޮޅަށްވާ ގޮތަށް ކޯރު ވަނީ ކަނޑާފައެވެ.