ކޮވިޝީލްޑް ވެކްސިންގެ ތިން މިލިއަން ޑޯޒް ސައުދީ އަރަބިއްޔާ އަށް ދިނުމަށް ނިންމައިފިއެވެ.
އިންޑިއާ އިން ވަނީ މި ވެކްސިން ރާއްޖެ، ބްރެޒިލް، މޮރޮކޯ ބަންގްލަދޭޝް، ނޭޕާލް، ބޫޓާން، މޮރިޝަސް، މިޔަންމާ ފަދަ ގައުމުތަކަށް ވެސް ފޮނުވައިފައެވެ.
ދުނިޔޭގައި ވެކްސިން އުފައްދާ އެންމެ ބޮޑު ކުންފުނި ސީރަމްގެ އަމާޒަކީ ފަގީރު ގައުމުތަކަށް އެއް ބިލިއަން ޑޯޒް ފޯރުކޮށްދިނުމެވެ. އިންޑިއާ ސަރުކާރުގެ އެންގުމަށް ސީރަމް އިން ވަނީ އަވަށްޓެރި ބައެއް ގައުމުތަކަށް ގިނަ އަދަދެއްގެ ވެކްސިން ހަދިޔާ ވެސް ކޮށްފައެވެ.
ސީރަމްގެ ޗީފް އެގްޒެކްޓިވް އަދަރް ޕޫންވާލާ ވިދާޅުވީ ކުރިއަށް އޮތް ހަފްތާއެއް ނުވަތަ 10 ދުވަހުގެ ތެރޭގައި ވެކްސިން ސައުދީ އަށް ފޮނުވާނެ ކަމަށެވެ.
advertisment