ކޮވިޑް-19 ގެ ވެކްސިންގެ އިތުރު 5،000 ޑޯޒް ރާއްޖެ އަށް ލިބިފައިވާ ކަމަށް އެޗްއީއޯސީން ބުނެފިއެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި އެޗްއީއޯސީގެ ތަރުޖަމާނު ޑރ.ނަޒްލާ ރަފީގު ވިދާޅުވީ ހެޔޮއެެދޭ ފަރާތަކުން އިއްޔެ ސައިނޯފާމް ވެކްސިންގެ 5،000 ޑޯޒް ހަދިޔާކޮށްފައިވާ ކަމަށެވެ.
މި ވެކްސިން އަދި ހުރީ ސްޓޯރޭޖްގައި ކަމަށާއި ވެކްސިނާއި ބެހޭ އިތުރު މައުލޫމާތު މިހާރު ހޯދަމުންދާއިރު، އެ ވެކްސިން ބޭނުން ކުރުމާއި މެދު ގޮތެއް ނިންމާނީ މޯލްޑިވްސް ފުޑް އެންޑް ޑްރަގް އޮތޯރިޓީން ގޮތްތަކެއް ކަނޑައެޅުމުން ކަމަށް ނަޒްލާ ވިދާޅުވިއެވެ.
ރާއްޖޭގައި ވެކްސިން ޖެހުމުގެ ޕްރޮގްރާމް އިއްޔެ ހެނދުނު ވަނީ ފަށާފައެވެ. އެގޮތުން އިއްޔެ ވަނީ 282 މީހަކަށް ވެކްސިން ދީފައެވެ.