ކުރީގެ ރައީސް ޑރ. މުހައްމަދު ވަހީދުގެ ބައްޕާފުޅު، ހަސަން އިބްރާހިމް މަނިކު (ހަނދުވަރު ހަސަންމަނިކު) އަވަހާރަވުމާ ގުޅިގެން ރައްޔިތުންގެ މަޖިލީހުގެ ރައީސް، މުހައްމަދު ނަޝީދު ތައުޒިޔާ ފޮނުއްވައިފިއެވެ.
ހަނދުވަރު ހަސަން މަނިކު އަވަހާރަވީ އާލާސްކަންފުޅެއްގައި އައިޖީއެމް ހޮސްޕިޓަލުގައި އެޑްމިޓްކޮށް ފަރުވާދެމުން ދަނިކޮށެވެ. ހަސަން އިބްރާހިމް މަނިކު އަވަހާރަވީ އުމުރުފުޅުން 92 އަހަރުގައެވެ.
ރައީސް ވަހީދުގެ އާއިލާ އަށް ނަޝީދު ތައުޒިޔާ ފޮނުއްވީ މިއަދު ކުރެއްވި ޓްވީޓެއްގައެވެ.
ހަނދުވަރު ހަސަން މަނިކަކީ ކުރީގެ ރައީސް އިބްރާހިމް ނާސިރުގެ ވެރިކަމުގައި ދައުލަތަށް ގިނަ ގުނަ ޚިދުމަތްތަކެއް ކޮށްދެއްވާފައިވާ ޚިދުމަތްތެރިއެކެވެ. ދިވެހި ސަރުކާރަށް ޚިދުމަތް ކުރެއްވުމުގައި ހަސަން މަނިކު 50 އަހަރު ހޭދަކުރައްވާފައިވެއެވެ.
advertisment