ލޯކަލް ކަައުންސިލް އިންތިހާބުގައި މެލޭޝިޔާގެ ވެރިރަށް ކުއަލަލަމްޕޫރްގެ އާއި އިނގިރޭސިވިލާތުގެ ލަންޑަނުގައި ބެހެއްޓުމަށް ހުއްދަ ނުލިބޭނެކަން ޔަގީންވެފައިވާ ކަމަށް އިލެކްޝަންސް ކޮމިޝަނުގެ ރައީސް އަހުމަދު ޝަރީފް ވިދާޅުވެއްޖެއެވެ.
ޝަރީފް ކުރެއްވި ޓްވީޓެއްގައި ވިދާޅުވީ ލޯކަލް ކައުންސިލް އިންތިހާބާއި އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ އިންތިހާބުގެ ވޯޓު ފޮށިތައް އެޕްރީލް 10 ގައި ކުއަލަލަމްޕޫރްގެ އިތުރުން ލަންޑަނުގައި ބެހެއްޓުމަށް ހުއްދަ ނުލިބޭނެކަން ޔަގީންވެފައިވާ ކަމަށެވެ.
އެ ދެ ގައުމުގައި ވޯޓު ފޮށި ނުބެހެއްޓެނީ ކޮވިޑް-19 ގެ ބަލިމަޑުކަމުގެ ސަބަބުންނެވެ.
ކައުންސިލް އިންތިހާބު ބޭއްވުމަށް މިހާރު ތާވަލުކޮށްފައިވަނީ އަންނަ އޭޕްރީލް މަހުގެ 10 ވަނަ ދުވަހުއެވެ. ނަމަވެސް އެޗްޕީއޭގެ ގައިޑްލައިންއާ ގުޅިގެން ހުރި ދަތިތަކެއްގެ ސަބަބުން އިންތިހާބު އިތުރަށް ފަސް ކުރުމަށް އެދި މަޖިލީހަށް ހުށަހަޅަން އީސީން ވަނީ ނިންމާފައެވެ.