ރާއްޖޭގައި ކޮވިޑް ބަލި މަޑުކަމުން އަރައިގަތުމަށް ވެކްސިން ޖެހުމުގެ ޕްރޮގްރާމްގެ ދަށުން މާލެ ސަރަހައްދުގައި ގަވައިދާ ހިލާފަށް އުޅޭ ބިދޭސީންނަށް މިއަދު ވެކްސިން ޖަހަން ފަށައިފިއެވެ.
އެޗްޕީއޭއިން ބުނީ، މާލެ ސަރަހައްދުގައި ގަވާއިދާ ހިލާފަށް އުޅޭ ބިދޭސީންނަށް ވެކްސިން ޖަހުމުގެ ކަންކަން މިއަދު ކުރިއަށް ގެންގޮސްފައި ވަނީ މޯލްޑިވިއަން ރެޑް ކްރެސެންޓް އާ ގުޅިގެން ކަމަށެވެ.
ލިޔެކިޔުން ނެތި ދިރިއުޅޭ ބިދޭސީންނަށް ވެކްސިން ޖަހައިދެނީ ރަޖިސްޓްރީވުމުންނެވެ. އެގޮތުން ރެޖިސްޓާވާން ޖެހޭނީ ރެޑް ކްރެސެންޓްގެ މާލޭ ގޮފީގެ މައިގްރަންޓް ސަޕޯޓު ސެންޓަރުގެ ހޮޓްލައިން އަށް ގުޅައިގެންނެވެ. ހޮޓްލައިން ނަމްބަރަކީ 9114584 ނުވަތަ 9114512 އެވެ.