އެންމެ ބޮޑު އަމާޒަކީ ގެދޮރުވެރިކަމުގެ މައްސަލަ ޙައްލު ކުރުން ކަމަށް މާލެ ސިޓީ މޭޔަރުކަމަށް ޕީޕީއެމްގެ ފަރާތުން ކުރިމަތިލައްވާފައިވާ ޑރ. މުހައްމަދު މުއިއްޒު ވިދާޅުވެއްޖެ އެވެ.
އިދިކޮޅު ކޯލިޝަނުން ރޭ ބޭއްވި “މީ މަގޭ ރާއްޖެ” ކެމްޕެއިން ރީލޯންޗުކުރުމުގެ ޖަލްސާގައި ވާހަކަފުޅު ދައްކަވަމުން ޑރ. މުއިއްޒު ވިދާޅުވީ މިއަދު މާލޭގެ ރައްޔިތުންނަށްނަށާއި ރާއްޖޭގެ ހުރިހާ ރައްޔިތުންނަށް ދިމާވެފައިވާ އެންމެ ބޮޑު އެއް މަސައްލައަކީ ގެދޮރުވެރިކަމުގެ މައްސަލަ ކަމަށެވެ.
އަދި އެ މައްސަލަ އެންމެ ބޮޑު، މާލެ ސިޓީގައި މައްސަލަ ޙައްލުކޮށްދިނުމަށް ސިޓީ ކައުންސިލުން އުޅެން ޖެހޭނެ ކަަމަށްވެސް މުޢިއްޒު ވިދާޅުވިއެވެ.
މުޢިއްޒު އިތުރަށް ވިދާޅުވީ، މާލޭ ސިޓީކައުންސިލަށް ރައްޔިތުންނަށް އާއްމުދަނީ ހޯދަދެވޭނެ ގޮތްތައް އެބަހުރި ކަމަށާއި މީގެ ކުރިން މިކަންކޮށްފައި ނުވުމަކީ ކުރާނެ ގޮތް ނެތުން ނޫން ކަމަށެވެ.