ލޯކަލް ކައުުންސިލް އިންތިޚާބުގައި މާލޭގެ މޭޔަރުކަމަށް ވާދަކުރާ އެމްޑީޕީގެ ކެންޑިޑޭޓް އަނަސް އަބްދުއްސައްތާރު، މިނިސްޓަރ އޮފް އާރްޓްސް ކަލްޗަރ އެންޑް ހެރިޓޭޖް ޔުމްނާ މައުމޫނަށް ޝުކުރު އަދާކޮށްފިއެވެ.
ރައީސް މައުމޫންގެ ދަރިކަނބަލުން ޔުމްނާ މައުމޫނު ވަނީ މިއަދުގެ ވަގުތެއްގައި މާލޭގެ މޭޔަރުކަމަށް ތާޢީދުކުރައްވަނީ އަނަސްއަށްކަމަށް ވިދާޅުވެފައެވެ.
މިނިސްޓަރ ޔުމްނާ ވިދާޅުވީ، އަނަސްއަކީ 2017 ވަނަ އަހަރުގައި ކޯލިޝަނުން ކުރިޔަށްގެންދިޔަ އިސްލާހީ ޚަރަކާތުގައި އަނަސް ބައިވެރިވެފައިވާ ކަމަށާއި އަނަސް އަކީ ގާބިލް ހީވާގި ބޭފުޅެއްކަމަށެވެ.
މާލޭ މޭޔަރު ކަމަށް އަޅުގަނޑު ތާއީދު ކުރަނީ @anasabdulsattar އަށް. އަނަސް އަކީ 2017 ގައި ކޯލިޝަނުން ކުރިޔަށް ގެންދިޔަ ސިޔާސީ އިސްލާހީ ޙަރަކާތުގައި އަޅުގަނޑުމެނާއި އެކު މަސައްކަތް ކުރެއްވި ޤާބިލް، ހީވާގި ބޭފުޅެއް. https://t.co/wabExKhdJb
— Yumna Maumoon (@yumna_maumoon) March 18, 2021
“މާލޭ މޭޔަރު ކަމަށް އަޅުގަނޑު ތާއީދު ކުރަނީ @anasabdulsattarއަށް.”
މާލޭގެ މޭޔަރުކަމަށް ތިން ބޭފުޅަކު ދަނީ ވާދަކުރައްވަމުންނެވެ. އެއީ އެމްޑީޕީގެ ފަރާތުން އަނަސް، އިދިކޮޅު ކޯލިޝަންގެ ފަރާތުން ޑރ.މުޙައްމަދު މުޢިއްޒު އަދި އަމިއްލަ ގޮތުން އަލްޚާން ފަހުމީއެވެ.