ލ. ގަމާއި ފޮނަދޫ މޮނިޓަރިންއަށް ލައިފި

މާންދޫ ކްލަސްޓާއާއި ގުޅުންހުރި ތިން މީހަކު ލ. ގަމުން ޕޮޒިޓިވް ވެ، މާންދުއާއި ގުޅިފައިވާ ލ. ގަމާއި ލ. ފޮނަދުއަށް އަރާ ފޭބުން މަނާކޮށްފިއެވެ.

މިރޭގެ ވަގުތެއްގައި ގަމުން ތިން މީހަކު ޕޮޒިޓިވް ވެފައިވާއިރު މި ތިން މީހުންވެސް ނިސްބަތްވަނީ ލ. ގަމު މުކުރިމަގު އަވަށަށެވެ. ޕޮޒިޓިވް ވި ތިން މީހުންނަކީ މާންދޫ ކްލަސްޓާއާއި ގުޅުންހުރި ތިން މީހުންނެވެ.

މާންދޫ އިން އިއްޔެ ކޮވިޑް-19 އަށް ވަނީ 8 މީހުން ޕޮޒިޓިވް ވެފައެވެ.

އިއްޔަ ރާއްޖޭގައި ވަނީ ކޮވިޑް ކޭސްތައް ރިކޯޑް އަދަދަކަށް މަތިވެފައެވެ. އެގޮތުން އިއްޔެ 319 މީހަކު ޕޮޒިޓިވްވިއިރު، އޭގެތެރެއިން 108 މީހުން ޕޮޒިޓިވް ވެފައިވަނީ މާލެ ސަރަހައްދުންނެވެ. އަދި އަތޮޅުތެރެއިން 182 ކޭސް ފެނިފައިވާއިރު، 21 ކޭސް ރިސޯޓުތަކުން ވެސް ވަނީ ފެނިފައެވެ.