ހަރުކަށި ފިކުރުގެ ސަބަބުން މުޖުތަމައު މިވަނީ ނުރައްކަލަކަށް ހުށަހެޅިފައި: މަޖިލިސް

ހަރުކަށި ފިކުރަށް ނިސްބަތްވާ ބައެއްގެ އަމަލުތަކެއްގެ ސަބަބުން ރާއްޖޭގެ ރައްޔިތުން ނުރައްކަލަށް ހުށަހެޅިފައިވާކަމީ ނުހަނު ކަންބޮޑުވާކަމެއް ކަމަށް ރައްޔިތުންގެ މަޖިލީހުން ބުނެފިއެވެ

މަޖިލީހުން ނެރުނު ބަޔާނެއްގައި ބުނެފައި ވަނީ ކުރީގެ ރައީސް މުހައްމަދު ނަޝީދުގެ ފުރާނަފުޅަށް އަމާޒުކޮށްގެން މިމަހުގެ 6 ވަނަ ދުވަހު ދީފައިވާ ހަމަލާއިން އެމަނިކުފާނު ރަނގަޅުވަމުން އައި ނަމަވެސް އެމަނިކުފާނުގެ ފުރާނަފުޅަށާއި ދިވެހި ރައްޔިތުންނަށް އޮތް ނުރައްކާ ފިލާ ނުދާކަމަށެވެ.

ހަރުކަށި ފިކުރަށް ނިސްބަތްވާ ބަޔަކު މުޖުތައުތެރޭގައި ބިރުވެރިކަން އުފެދޭހެން ކުރާ މި އަމަލުތައް ރައްޔިތުންގެ މަޖިލީހުންވަނީ ހަރުކަށި އިބާރާތުން ކުށްވެރިކޮށްފައެވެ. އަދި މިކަންކަމުގެ ސަބަބުން ދިވެހި ގައުމު ނުރައްކަލަކަށް ހުށައެޅިފައިވާތީ މަޖިލީހުން ނެރުނު ބަޔާނުގައިވަނީ ކަންބޮޑުވުން ފާޅުކޮށްފައެވެ.

މި މަހުގެ ހަވަނަ ދުވަހު ކުރީގެ ރައީސް މުހައްމަދު ނަޝީދު އަދި މިހާރުގެ ރައްޔިތުން މަޖިލީހުގެ ރައީސް ނަޝީދު އަވަހާރަކޮށްލުމަށްދިން ޓެރެރިސްޓް ހަމަލާގައި އެމަނިކުފާނަށް ވަނީ އޭޑީކޭ ހޮސްޕިޓަލުގައި ފަރުވާ ދީފައެވެ. އެގޮތުން އެމަނިކުފާނުގެ ގިނަ ސާޖަރީތަކެއްވަނީ ހަދާފައެވެ. އޭޑީކޭގެ ފަރާތުން ރައީސް ނަޝީދަށް ފަރުވާ ދެއްވި ހާއްސަ ޓީމުން ވަނީ ލިބިފައިވާ އަނިޔާތަކުގެ ތަފްސީލު ކިޔާދެއްވާފައެވެ.

ރައްޔިތުންގެ މަޖިލީހުން ނެރުނު މި ބަޔާނުގައި ބުނެފައިވަނީ މިއީ ސީދާ އެމަނިކުފާނުގެ ފުރާނަ ދުއްވާލުމަށް ހިންގި ނުރައްކާތެރި ޓެރެރިސްޓް ހަމަލާއެއް ކަމަށެވެ.