ހުޅުމާލެ މެޑިކަލް ފެސިލިޓީގައި ކޮވިޑަށް ފަރުވާ ހޯދަމުންދިޔަ މީހަކު ކޮވިޑް ޖެހިގެން މަރުވެއްޖެއެވެ.
މިއީ މިއަދު ކޮވިޑް-19 ޖެހިގެން ފަރުވާ ދެމުންދިޔަ މީހުންގެ ތެރެއިން ދެވަނަ މީހާއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާ ގޮތުން މިއަދު 16:15 ގައި މަރުވެފައިވަނީ 59 އަހަރުގެ ދިވެހި ފިރިހެނެކެވެ. އެއާއި އެކު ރާއްޖެއިން ކޮވިޑް ޖެހިގެން މަރުވި މީހުންގެ ޖުމްލަ އަދަދު ވަނީ 122 އަށް އަރާފައެވެ.
މިއީ ކޮވިޑް ޖެހިގެން މިމަހު މަރުވި 48 ވަަނަ މީހާއެވެ.
ކޮވިޑް ބަލީގައި މަރުވާ މީހުންގެ އަދަދު އިތުރު ވަމުން ދާއިރު، މެއި މަސް ފެށުނު ފަހުން ރާއްޖޭގައި ކޮވިޑަށް ޕޮޒިޓިވްވާ މީހުންގެ އަދަދުވެސް ކޮންޓްރޯލުން ނެެއްޓި ދުވާލަކު ޕޮޒިޓިވްވާ މީހުންގެ އަދަދު ވަނީ 1000އިން މައްޗަށް އަރާފައެވެ.