ގއ. ދާންދުއިން ކޮވިޑް ޖެހި އެއަތޮޅު ވިލިނގިލީ ކޮވިޑް ފެސިލިޓީގައި ފަރުވާދެމުން ދިޔަ މީހަކު މަރުވެއްޖެ އެވެ.
ދާންދޫ ކައުންސިލްގެ ރައީސް މުހައްމަދު އާސިފް ވަނީ މިކަން ކަށަވަރު ކޮށްދެއްވާފައެވެ.
މައުލޫމާތު ލިބިފައިވާ ގޮތުުގައި، މަރުވީ ގއ. ވިލިނގިލީ ކޮވިޑް ފެސިލިޓީގައިި ފަރުވާދެމުން ދިޔަ، އުމުރުން 67 އަހަރުގެ ފިރިހެނެއް ކަމަށެވެ.
މިއީ މިއަދުގެ ތިންވަނަ މަރެވެ. މިއަދު ވަނީ ހުޅުމާލޭ ފެސިލިޓީގައި ފަރުވާ ދެމުންދިޔަ އުމުރުން 56 އަހަރުގެ ދިވެހި ފިރިހެނަކާއި އައިޖީއެމްއެޗް އިމަޖެންސީ ރޫމުގައި ފަރުވާ ދެމުން އައި 79 އަހަރުގެ ދިވެހި ފިރިހެނަކު މަރުވެފައެވެ.
މި ބަލީގައި ރާއްޖެއިން މަރުވި މީހުންގެ އަދަދު 151 އަށް އަރާފައެވެ.
advertisment