އެކްސިޑެންޓަށް ފަހު ފިލި މީހާ ހައްޔަރު ކޮށްފި

މިދިޔަ މަހުގެ 26 ވަނަ ދުވަހުގެ ރޭ މާލޭގައި ހިނގި އެކްސިޑެންޓްގައި ސައިކަލު ދުއްވަން އިން މީހާ ހައްޔަރު ކޮށްފިއެވެ.

މި އެކްސިޑެންޓުގައި ސައިކަލު ދުއްވަން އިން މީހާ ވަނީ އެކްސިޑެންޓަށް ފަހު އެސަރަހައްދުގައި މަޑުނުކޮށް ފިލާފައިވާއެވެ.

ފުލުހުންގެ މީޑިއާ އޮފިޝަލް ވިދާޅުވީ އެ މައްސަލާގައި އިއްޔަ ހަވީރު 05:00 ހާއިރު އެމީހާ ކޯޓު އަމުރެއްގަ ދަށުން 26 އަހަރުގެ ދިވެހި ފިރިހެނެއް ހައްޔަރު ކޮށްފައިވާ ކަމަށެވެ.

ހުވަފެނީ ގޯޅީގައި ބާއްވާފައި އޮތް ގާޑިޔަލެއްގައި ދުއްވާފައި ދިޔަ ސައިކަލެއް ޖެހި އެކްސިޑެންޓް ހިނގާ، މަރުވެފައިވަނީ އެ ސައިކަލުގެ ފަހަތުގައި އިން އުމުރުން 22 އަހަރުގެ އިސްމާއިލް ޔަޒްދާން އަލީ އެވެ. އޭނާ މަރުވެފައިވަނީ ކަރަށް ގާޑިޔާގެ ބައެއް ހެރުމާ ގުޅިގެންނެވެ