މި އަހަރުގެ އަޟްހާ އީދާ ދިމާކޮށް، މާލެ، ހުޅުމާލެ އަދި ވިލިމާލޭގެ މަގުތަކުގައި ފައިމަގުގައި އުޅޭ ގޮތަށް ހަމަޖެއްސި ވަގުތު ވެހިކަލް ދުއްވި މައްސަލާގައި ހަ މީހަކަށް ފުލުހުން ފިޔަވަޅު އަޅައިފި އެވެ.
މާލެ ސަރަހައްދުގައި އީދު ދުވަހުގެ ހަވީރު 4:00 އިން ރޭގަނޑު 8:00 އާ ހަމައަށް ފައިމަގުގައި އުޅޭ ގޮތަށް ނިންމީ މާލޭ ސިޓީ ކައުންސިލުން ކްލަބް ހައުސް މެދުވެރިކޮށް އާއުއްމުންގެ ހިޔާލު ހޯދުމަށްފަހު އެވެ.
އެގޮތުން އިއްޔަ ހުޅުމާލެއިން ލައިސަން ނެތި ދުއްވުމުން ހަތަރު އުޅަނދެއް ވެއްދުނުކަމަށާއި، ވައްދާފައިވަނީ 2 ފުރޮޅުލީ ހަތަރު އުޅަނދުކަމަށް ފުލުހުން ބުނެފައިވެއެވެ. އަދި 7 މީހަކަށް ނަސޭހަތް ދީފައިވާކަމަށް ފުލުހުން ބުނެފައިވެއެވެ.
މީގެ އިތުރުން މާލެއިން ލައިސަން ނެތި ދުއްވުމުން ދެ އުޅަނދެއް ވެއްދުނުކަމަށާއި، ވައްދާފައިވަނީ 2 ފުރޮޅުލީ ދެ އުޅަނދުކަމަށް ފުލުހުން ބުނެފައިވެއެވެ.
އަދި މާލެއިން 98 މީހަކަށް ނަސޭހަތް ދީފައިވާކަމަށްވެސް ފުލުހުން ބުނެފައިވެއެވެ.