ރައީސް އިބްރާހިމް މުހައްމަދު ސޯލިހު ގައުމު ހިންގަވަމުން ގެންދަވަނީ އިދިކޮޅު ފަރާތްތައް ޖޭ ވާހާ މޮޅަށް ކަމަށް ޓޫރިޒަމް މިނިސްޓަރު އަބްދުﷲ މައުސޫމް ވިދާޅުވެއްޖެއެވެ.
މައުސޫމް ކުރެއްވި ޓްވީޓެއްގައި ވިދާޅުވީ އިދިކޮޅު ޕާޓީީގެ ބައެއް އިސް ބޭފުޅުން “ނާވާދަވެރި” ގޮތަކަށް ބަސް ވިދާޅުވުމުން ދޭހަވަނީ އިންތިޚާބު އިއުލާނުކުރުމުގެ މާކުރިން އިދިކޮޅު ފަރާތްތަކުން ބަލި ގަބޫލު ކޮށްފިކަން ކަމަށެވެ.
“ރައީސް ސާލިހު ހަމަމޮޅީ! އެކޮނޮމީ ފުލުގައި ޖައްސާލި ކޮވިޑުތެރޭ ވެސް ޤައުމު ހިންގަމުން އެ ގެންދަވަނީ އެއުރެން ޖޭ ވާހާ މޮޅަށް” މައުސޫމް ވިދާޅުވިއެވެ.
މައުސޫމް މިހެން ވިދާޅުވިއިރު އިދިކޮޅު ކޯލިޝަނުން ވަނީ “މިނިވަންކަމުގެ ދިފާއުގައި – ދިވެހީން” ގެ ނަމުގައި ކެމްޕެއިނެއް ފަށާފައެވެ. މި ކެމްޕޭނުގައި ބައިވެރިވުމުގެ ދައުވަތު އިދިކޮޅުން ވަނީ އެމްޑީޕީ ފިޔަވައި ސަރުކާރު ކޯލިޝަނުގައި ހިމެނޭ ޖުމްހޫރީ ޕާޓީ އާއި އަދާލަތު އަދި އެމްއާރްއެމްއަށް އަރުވާފައެވެ. އަދި ކޯލިޝަންގެ ބޭރުން އެމްޑީއޭ އަށް ވެސް ވަނީ ދައުވަތު އަރުވާފައެވެ.
ނަމަވެސް ސަރުކާރު ކޯލިޝަނުގައި ހިމެނޭ ޕާޓީތަކުން ވަނީ އެކަމަށް ދެކޮޅު ހަދާފައެވެ.
advertisment