ހއ. އަތޮޅުން ފެށިގެން ތ. އަތޮޅަށް ހުދު ސަމާލު ނެރެފި

މޫސުން ގޯސްވާނެކަމަށް ލަފާކޮށް، ހއ އަތޮޅުން ފެށިގެން ތ އަތޮޅާއި ހަމަޔަށް ހުދު ސަމާލު ނެރެފިއެވެ.

މޫސުމާބެހޭ ގައުމީ އިދާރާ،( މެޓް އޮފީސް) އިން އެ އަތޮޅުތަކަށް ހުދު ސަމާލު ނެރެފައިވަނީ މިއަދުގެ ހަވީރުގެ ވަގުތެއްގަ އެވެ.

މެޓް އޮފީހުން ބުނީ މިއަދު ހަވީރު 4:30 އިން ފެށިގެން މެންދަމު 12:30 އާއި ހަމައަށް އެ ސަރަހައްދުތަކަށް މޫސުން ގޯސްވާނެކަމަށް ލަފާކުރެވޭ ކަމަށެވެ.

އެގޮތުން އެސަރަހައްދުތަކަށް ގަޑިއަކު 19 މޭލާއި 24 މޭލާއި ދެމެދުގެ ބާރުމިނެއްގައި ވައި ޖެހޭނެކަމަށާއި، އެ ވަގުތުތަކުގައި ކަނޑުތައް ގަދަވާނެކަމަށް ލަފާކުރެވޭކަމަށް މެޓް އޮފީހުން ބުނެފައިވެ އެވެ.

މި ސަރަހައްދުތަަށް މޫސުން ގޯސްވާނެކަމަށް ލަފާކޮށް މިއަދު ހެނދުނުވެސް މެޓް އޮފީހުން ވަނީ ހުދު ސަމާލު ނެރެފައެވެ. އެގޮތުން މިއަދުގެ ފަތިހު 4 އަކުން ހެނދުނު 10 ޖެހުމާއި ހަމައަށް މޫސުން ގޯސްވާނެކަމަށް މެޓްއިން ލަފާކޮށްފައިވެއެވެ.