އައްޑޫ ސިޓީގައި ކޮވިޑުގެ ހާލަތު ގޯސްވެ ފްރަންޓްލައިން ވޮލެންޓިއަރުން ހޯދަން އިއުލާނުކޮށްފިއެވެ.
އައްޑޫ އިކުއެޓޯރިއަލް ހޮސްޕިޓަލުން ކޮށްފައިވާ އިއުލާނެއްގައި ބުނީ ކޮވިޑާއި ގުޅޭ މަސައްކަތުގައި ފްރަންޓްލައިން ވޮލެންޓިއަރުންގެ ގޮތުގައި ހަރަކާތްތެރިވުމަށް ބޭނުންވާ މީހުންނަށް، އެކަމުގެ ފުރުޞަތު ހުޅުވާލާފައިވާކަމަށެވެ.
އަދި ކޮވިޑުގެ ހާލާތާއި ގުޅުން ހުރި ކަންކަމުގައި ފްރަންޓްލައިން ވޮލެންޓިއަރުންގެ ގޮތުގައި މަސައްކަތް ކުރުމަށް ޝަައުގުވެރިވާ މީހުން މި މަހުގެ 7 ވަނަ ދުވަހުގެ ކުރިން އެހޮސްޕިޓަލަށް ސިޓީ ފޮނުވުމަށް އެހޮސްޕިޓަލުން ވަނީ އެދިފައެވެ.
ކޮވިޑާއި ގުޅޭ ކަންކަމުގައި ވޮލަންޓިއަރުންގެ ގެގޮތުގައި މަސައްކަތްކުރުމަށް ބޭނުންވާ މީހުން މިމަހުގެ 7 ވަނަ ދުވަހުގެ 13:00 ޖެހުމުގެ ކުރިން އެމީހުންގެ ވަނަވަރު ހުށަހެޅުމަށް އެހޮސްޕިޓަލުން ވަނީ އެދިފައެވެ.
މީގެ އިތުރުން ވޮލަންޓިއަރުންގެ ގެގޮތުގައި މަސައްކަތްކުރަން ބޭނުންވާ މީހުން އެހޮސްޕިޓަލަށް ގުޅައިގެން މައުލޫމާތު ސާފުކުރުމަށްވެސް އެހޮސްޕިޓަލުން ބުނެއެވެ.
އައްޑޫ ސިޓީގައި ކޮވިޑުގެ ހާލަތު ގޯސްވެ، އެކްޓިވް ކޭސްތަކެއް ފެނުމާއި ގުޅިގެން، އެސިޓީގެ ގުޅިފައިވާ ރަށްތައް މޮނިޓަރިންގެ ހާލަތަށް ގެނެވިފައިވަނީ މިދިޔަ މަހުގެ 28 ވަނަ ދުވަހުގައެވެ.
advertisment